ياسمين عز: "بوز الست والقمطة" السبب في الخيانة.. فين أيام ما الست كانت بتدي لجوزها الحتة الكبيرة في الفرخة

مي جودة | فى حياة المشاهير

ياسمين عز

30 سبتمبر 2022 | اخر تحديث: الجمعة , 30 سبتمبر 2022 - 20:09

كعادة مقدمة البرامج ياسمين عز، أطلقت في حلقة الجمعة 30 سبتمبر تصريحات مثيرة للجدل حول سبب خيانة الزوج.

قالت ياسمين عز: "ليه معظم الستات بتتغير بعد الجواز؟ اعرف ستات لما اجوزهم ينزلوا الشغل ولا بيعبروهم، وكأن لسان حالها يقول له المركب اللي تودي طبيعي بعد كدة إن الراجل لما يروح الشغل ويلاقي واحدة بتبتسم له يعجب بيها، وترجعوا تسألوا الرجالة عينها زايغة ليه؟"، حسب تصريحاتها في برنامج "كلام الناس" الذي تقدمه عبر شاشة "MBC مصر".

ياسمين عز

وتابعت: ما هو شايف بوز أد كدة طول النهار أدامه، أول ميرجع جوازها للبيت، بدل ما تسأله عملت أيه انهارده، بتبقى قاعدة قمطة دماغها بتقوله ايدي وجعاني والعيال تعبوني ومش قادرة اتكلم، ليه لما حد يجي من أهلك الولائم تشتغل والأصناف والأشكال تظهر، وفي الأيام العادية مفيش حاجة بتتعمل للراجل الشقيان اللي طالع عينه، فين ايام لما كانت الست تدي لجوزها الجزء الكبير من الفرخة وتاكل بقيتها هي والعيال، فين أيام ما الست كانت بتدي لجوزها الحتة الكبيرة في الفرخة وتاكل الباقي هي وعيالها.

واستكملت: دايما حسسيه باللمسة بتاعتك في حياته وفي شكله وفي هدومة علشان دايما يكون محتاج ليكي، مبقيتيش تفتحي دولابه إلا علشان تفتشي في هدومه وتطلعي كام حاجة تعمليها فوط للمطبخ أو تمسحي بيهم البلاط.

ياسمين عز

ياسمين عز

وتابعت: لو اهتميتي بجوزك نص الاهتمام اللي بتديه لـ غسيل السجاجيد والمواعين وتنضيف الشيش والبلوكانات، عمره ما يبص لواحده غيرك، خلي الراجل اول ما يشوفك يحس انه ساب الضغط والتعب والمشاكل وداخل الجنة بتاعته، مش تقوليله اوعى تدوس على السجادة واقلع الجزمة بره، ما هو جايبها بفلوسه.

ياسمين عز

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5