أحمد برادة يكشف لأول مرة حقيقة تعرضه للإغتيال : أصبت بسكين

مروة لبيب | فى موسيقى وحفلات

أحمد برادة

السبت , 24 سبتمبر 2022 - 13:17

كشف لاعب الاسكواش المعتزل أحمد برادة لأول مرة عن حقيقة ما تردد حول محاولة اغتياله.

وخلال حلوله ضيفا في برنامج "كلام الناس" الذي تقدمه ياسمين عز عبر شاشة "MBC مصر"، نفى أحمد برادة حقيقة تعرضه لمحاولة اغنيال مشيرا إلى أنها كانت محاولة لسرقة منزله من قبل أحد الأشخاص.

وأضاف أحمد برادة "القصة كلها أني كان فيه حرامي بيسرق حاجة من الفيلا و خربشني بسكينة والناس ألفت قصص منها دي قصة حب عشان بطل اسكواش وكل ده كذب".

وتابع أحمد برادة "أنا بعد الواقعة دي بشهر لعبت اسكواش والموضوع انى اتعورت جامد وهبطل لعب ده كله كلام فاضي لأني لعبت 4 سنين بعد الحادثة دي وكانوا أحلى سنين في حياتي".

أما عن تعرضه للتهديد قال أحمد برادة "أنا محدش يقدر يهددني حتى لو كان مين والكلام ده كله ملوش أساس".

وخلال الحوار تحدث أحمد برادة عن عمله بعد ابتعاده عن الفن منذ سنوات، ورحلته مع عالم البيزنس والأموال.

قال برادة: "الموضوع في البداية كان صعب جدا، وصعب أني أكون مسؤول عن عمال والموضوع كان كبير علي، وكنت في وقت من الأوقات من خمس سنين وقعت واقعة كبيرة جدا وكنت ولا حاجة، لحد ما اتعرفت على صديقي هاني المصري زي أخويا وشريكي في كل حاجة"، حسب تصريحاته في برنامج "كلام الناس" الذي تقدمه ياسمين عز عبر شاشة "MBC مصر".

نرشح لك: شيرين عبد الوهاب في وصلة رقص بسهرة خاصة بالإسكندرية (فيديو)

وتابع: ابتدينا الشغل واشتريت حديد واشتغلت في الخردة وقال لي هنعمل برادة لمقالاوت، ابتديت واجتهدت من 5 سنين بقيت أروح للمقاولين وماكنتش بتكسف، وكانوا بيتكسفوا مني، وواحد أداني مصنع، واسمي خدمني وحب الناس لا يشترى والحمد لله أبتدينا في تجارة الحديد عملنا اسم ناجح.

وأضاف: عمري ما بصيت للفلوس ببص للنجاح بس وما عرفش عندي كام ممكن من كترهم ماعرفش كام، واللي بيجي بعمل بيه مصنع وأشتري آلات.

يذكر أن أحمد برادة قدم ألبوم غنائي وفيلم "حب البنات"، وابتعد عن التمثيل منذ طرح العمل في 2004.