محمد عبد الرحمن يظهر في "معكم منى الشاذلي" بخسارة في الوزن واضحة

FilFan | فى حياة المشاهير

محمد عبد الرحمن

الجمعة , 2 سبتمبر 2022 - 01:09 | اخر تحديث: الجمعة , 2 سبتمبر 2022 - 01:09

حل الفنان محمد عبد الرحمن ضيفا على برنامج "معكم منى الشاذلي" في مساء الخميس الأول من سبتمبر الجاري.

وظهر محمد عبد الرحمن بخسارة وزن واضحة، خاصة بعد مروره بوعكة صحية في القلب مؤخرا، وروى خلال الحلقة أنه تعبه يعود لفترة زمنية طويلة، كان يشعر بتعب وآلام متفرقة، لكن كعادة الكثير من المصريين كان يتجاهلها مفضلًا عدم الذهاب للأطباء.

محمد عبد الرحمن

تابع أنه عاد ذات يوم من تصوير فيلم "الدعوة عامة"، ووجد نفسه متعبًا بدرجة كبيرة، مضيفا: "حسيت أن صدري تقيل كده تعبت، وقعدت أكح بشكل متواصل ورا بعض ومكنتش قادر، قلت لا هروح مستشفى بقي، لأن أوكسجيني قل وضربات قلبي سريعة".

وأضاف محمد عبد الرحمن: "روحت ظبطولي الاكسجين وتاني يوم كان عندي تصوير، قالوا لي مش هينفع تخرج النهاردة هتخرج بكرة قلت تمام، لحد العصر كان الأكسجين رجع تاني والدنيا جميلة، فجأة الدكتور قال لهم لزيادة الاطمئنان اعملوا له إيكو على القلب، فاكتشفنا ان القلب شغال منه 33% بس، قالوا لي لازم تعمل قسطرة استكشافية عملوها وقالي لازم عملية قلب مفتوح، أول ما قال لي اتخضيت لكن فضلت أقول الحمد لله".

محمد عبد الرحمن

وواصل محمد عبد الرحمن تذكر أزمته الصحية: "اللي حصل لي كان حاجة كبيرة أوي بس ربنا عداها بردًا وسلامًا، خاصة إن أنا كمان كنت مدخن، يعني عندي عادة سيئة".

محمد عبد الرحمن

من ناحية أخرى، يذكر أن محمد عبد الرحمن يعرض له حاليا فيلم "الدعوة عامة" من إنتاج الطاهر برودكشن - يوسف الطاهر، تأليف أحمد عبد الوهاب وكريم سامي، وإخراج وائل فرج، وبطولة أحمد الفيشاوي، سوسن بدر وأسماء أبو اليزيد.