محمود سعد عن والده: مابحبوش ولا احترمه

مي جودة | فى حياة المشاهير

محمود سعد

الجمعة , 5 أغسطس 2022 - 00:26 | اخر تحديث: الجمعة , 5 أغسطس 2022 - 00:37

أفصح الإعلامي محمود سعد عن مشاعره لوالده الراحل، مؤكدا أنه لا يكن له في قلبه أي حب، ووجه رسالة للأزواج المنفصلين في بث مباشر عبر صفحته الرسمية بموقع Facebook.

قال سعد: "يوم ما انتقل والدي إلى جوار الله، كنت بقول إني مش هزعل لأن بيني وبينه هجر وغدر، وجرح في قلب، بيني وبينه طريق وفراق وطريق هو اللي بدأه، والدتي فضلت 27 سنة تربي في 4 عيال، مهتمتش ولا استمتعت بحياتها، أسرتها كانت عادية، لكن ربنا ساعدها".

محمود سعد

محمود سعد

وتابع: ولما والدي توفى كنت في مكتبي، والدتي بلغتني وطلبت مني أروح له بسرعة، وبالفعل، سيبت الشغل ونزلت، والدي كان موصي أخويا الكبير قبل ما يموت أنه يدّفن مع جدتي من أمي لأن كان بيحبها جدًا، والدتي طلبت مني أنزل نعي في الجورنال، قولت لها الناس متعرفش أني ليا أب أصلا لكن أمي أصرت على إننا نعمل عزاء.

محمود سعد

وأضاف: لما والدي توفى متأثرتش ولا كنت حاسس بحاجة، أنا حتى مش فاكر هو مات امتى، أن أبويا كان خالع نفسه من حياتنا رغم أنه كان غني، ورغم إن تربية أمي نجحت ومطلعتش مجرم ولا صايع، لكن لغاية دلوقتي لما اسمع حد بيتكلم عن أبوه بتضايق، ولما كبرت بقيت أقول أبويا قالي إيه أو إيه الذكرى اللي سابهالي ملقتش حاجة.

محمود سعد

وقال سعد: لكل أب مبيسألش على عياله، مراتك أنت وهي أحرار، لكن العيال هتكبر ومش هتنسى، هتفضل تيجي سيرتك بشكل مش كويس، وإنك تسأل على عيالك دي مش رحمة ولا مودة منك.. دا واجب، إزاي تصب غضبك من مراتك على عيالك؟.

اقرأ أيضا:

#شرطة_الموضة: رزان جمال بفستان جريء في احتفالية Netflix بعرض مسلسلها الأمريكي The Sandman

#شرطة الموضة: الفساتين الخفيفة مكشوفة البطن هي اختيار دينا الشربيني المفضل في الصيف

روبي تصدم الجمهور بعمرها الحقيقي وتؤكد: الأغاني الجريئة اللي عملتها بقت عادية دلوقتي

"سيبوا الناس تعيش".. نجلاء بدر تطالب بعدم السخرية من المصيفين البسطاء

لا يفوتك: الموزع الموسيقي رامى سمير: عمرو دياب "بيسوي" الاغاني في دماغه .. وعوامل كتير وراء نجاح 3 دقات

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5