أمير طعيمة يدافع عن أكرم حسني: موهوب مينفعش نتهمه بالسرقة

محمد أحمد | فى موسيقى وحفلات

أمير طعيمة

الجمعة , 22 يوليو 2022 - 12:21

دافع الشاعر أمير طعيمة عن الفنان أكرم حسني، بعد اتهامه من قبل الشاعر عادل صابر بسرقة كلمات أغنية "للي" التي قدمها مع النجم محمد منير.

وكتب أمير طعيمة عبر حسابه على موقع التواصل الاجتماعي Facebook: "شهادتي في أكرم حسني مجروحة بس هو فنان حقيقي ومحترم وموهوب موهبة مش طبيعية في أكثر من مجال.. أنا شخصيا دورت على الديوان اللي المفروض في تشابه بينه وبين كلمتين تلاتة في الأغنية وفعلًا مش لاقيه على جوجل ودا يؤكد أن أكرم مقرهوش ولو بالصدفة أو أتأثر بيه مثلًا".

نرشح لك: بطلات "مدرسة الروابي للبنات" يتحدثن عن الموسم الجديد (فيديو)

وأضاف: "الموضوع واضح أنه توارد خواطر وخاصةً لعدم وجود البيت اللي عليه الخلاف في أي مكان، وبلوم بعض الصحفيين اللي استخدموا لفظ سرقة دون بحث وتحقق ولا يجوز استخدام اللفظ مع فنان موهوب مثل أكرم.. مبروك يا أكرم على شغلك الحلو واستمر لأنك فعلا فنان كبير ومحترم".

ورد أكرم حسني على إدعاءات عادل صبري باتهامه بسرقة بيت من كلمات "للي" وكتب عبر حسابه بموقع Facebook: "قريت من شوية بوست بيتهمني بسرقة كلمات اغنية " للي " من شاعر من جنوب مصر الحبيب و بعدها اكتر من صحفي كلمني بيطلب مني رد علي الاتهام ده .. ف خلوني اوضح كذا نقطة :

١ - كل الحب و الاحترام و التقدير لكل موهبة فنية بتقدم فن يحترم الجمهور و جنوب مصر خرجلنا شعراء و ادباء كتير علي رأسهم الخال الابنودي رحمة الله عليه
٢ - أؤمن بحقوق الملكيه الفكريه كما أؤمن بان السرقه الفنيه تصنع نجاح مؤقت
٣ - تشابه جملة من الأغنيه التي تتكون من ١٢ بيت مع جملة للشاعر لا يعني السرقة و انما توارد الافكار امر طبيعي
٤ - لما كتبت الاغنية كانت مكونة من ٢٠ بيت اختار منهم الكينج ١٢ بيت و تم تسجيلهم ف معتقدتش اللي كتب ٢٠ بيت هتقف معاه في جملة عشان يسرقها
٥ - انا بكتب اغاني بقالي اكتر من ٨ سنين من خلال برامج و مسلسلات و اعمال فنية قدمتها و كنت علي سبيل المثال في اغاني برنامج ابو حفيظة قبل ما بستخدم لحن اي اغنية في البرنامج برجع لجمعية المؤلفين و الملحنين و اسدد الرسوم حفظا لاصحاب حقوق الملكية الفكرية .. ف اللي يعمل كده بيتهيألي صعب يحط نفسه في موقف زي ده
٦- انا مهنتي الاساسية ممثل و بحب صناعة الاغاني من باب الهواية ف انا مش محتاج اسرق عشان اعمل رصيد لنفسي كشاعر .. انا بعمل ده بحب
٧ - و اخيرا .. انا كتبت البوست ده مش دفاعا عن نفسي و لكن لاحترامي للجمهور المحترم اللي بيثق فيا ف حبيت اوضح له

أكرم حسني

وتقول كلمات أغنية "لِلّي" :

سألته هل داء الولع كان الجواب صدّه
ساق الدلال ساق الدلع مفاتيح هواه صدّوا
ومشيت أوشوش في الودع ولا جاني ليه ردّه
اللي فتح باب الوجع واجب عليه ردّه

يالا و يا لالا و يا لالا يالا و يالا لِلّي (يكرر 4 مرات)

بعيونه بضرب ميت مثل أول ما بيطلّوا
دَوقّته من طعم الغَزَل دوقّني من ذلّه
وبحبه أنا مهما حصل طب مين بقى يقولّه
ماهو لو حبيبك كان عسل
متخلّصوش كلّه

يالا و يا لالا و يا لالا يالا و يالا لِلّي (يكرر 4 مرات)

كانت نار تقيد من لمس إيد من حضن من ضَمّه
وإن راح بعيد النار تزيد وأصرخ وأقول يامّه
الروح تروح وأنين ونوح ومافوقش غير لمّا
يرجع أوام ده عليه قوام حواليه بنترمّي

سألته هل داء الولع
كان الجواب صدّه
ساق الدلال ساق الدلع
مفاتيح هواه صدّوا
ومشيت أوشوش في الودع
ولا جاني ليه ردّه
اللي فتح باب الوجع
واجب عليه ردّه

أكرم حسني ومقلدي محمد منير في كواليس تصوير "للي"

وأغنية "لِلّي" من كلمات وألحان أكرم حسني، إنتاج موسيقى أمير محروس، والكليب من إخراج مريم الباجوري.

اقرأ أيضا:

شيرين عبد الوهاب تستمع بوقتها في الساحل الشمالي - صور

منة عرفة ببوركيني هادية غالب.. تعرف على سعره - صور

التعليق الأول من أكرم حسني على سرقته كلمات "للي" مع محمد منير

قصي خولي السبب.. ماجد المصري يكشف لـ"في الفن" سبب أعتذاره عن "بابلو" وموقفه من حسن الرداد

لا يفوتك: المطرب والملحن أحمد زعيم يغني أحدث ألحانه للهضبة عمرو دياب "وزير السعادة"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5