سعد الصغير: بتاجر مع ربنا ... (فيديو)

مي جودة | فى حياة المشاهير

سعد الصغير

الثلاثاء , 21 يونيو 2022 - 12:41 | اخر تحديث: الثلاثاء , 21 يونيو 2022 - 13:00

أطل الفنان سعد الصغير في فيديو مباشر عبر صفحته بموقع Facebook للحديث عن واقعة قتل فتاة المنصورة نيرة أشرف أوتقديم نصائحه للشباب.

قال الصغير: "سر الكرم اللي بعيش فيه هو المتاجرة مع الله، وتاجروا مع ربنا بأعمال الخير والتبرعات وهيكرمكم، وأضاف : أنا مش بعرف أرقص ولا أغني لكن ربنا بيكرمني علشان بتاجر معاه".

وعن واقعة قتل فتاة المنصورة، قال سعد الصغير: "عمر ما حد بيحب حد يموته، الولد ده أكيد كان شارب حاجة، وأنا لو هحاكمه مش هيكفيني فيه إعدام، محدش يقنعني إن الراجل ده كان في وعيه، لو هي قالت له مش عاوزاك يسألها ليه ولو فيه عيوب يصلحها".

وتابع: أنا والله العظيم بروح أفراح بيفرقوا أكياس أي حاجة تتخيلوها في الدنيا وباخدها أرميها، تموّت عروسة كده لو بنتي وهيتشنق مليون مرة ناري مش هتبرد.

وأضاف: أكيد كان شارب لو مش شارب هياخد ويدي معاها، ولكل أم راقبي ابنك كتفيه ووديه للمصحة، أنا في الأفلام بمثل الحاجات دي وليا أصحابي بيشربوا الحاجات دي وبزعل عليهم ووشهم بيبقى معضم، ما حدش بيموت حد غير لما يكون واخد حاجة، حسبي الله ونعم الوكيل، وبعد ما يفوق هيقول ياريت اللي جرا ما كان.

انتشر مقطع فيديو صادم لفتاة تدعى نيرة أشرف تلقى مصرعها على يد زميلها طعنا بالسكين أمام جامعة المنصورة قبل أن يتمكن الأهالي من الإمساك به وتسليمه للشرطة.

وقال أحد شهود العيان، إن الطالب المتهم سدد طعنة لطالبة جامعة المنصورة في البطن أولا، وعندما سقطت على الأرض إنهال عليها لذبحها في الرقبة، وحاول الفرار بسرعة إلا أن بعض الطلاب أمسكوا به وخلال لحظات حضر أمن الجامعة وقيد يديه وراء ظهره، وقام عدد من الطلاب والأهالي بضربه ضربات قاسية، ظل ينزف على أثرها.