مذيعة تترك حفل زفافها: لقيت نفسي هتجوز واحد أول مرة يقعد جنبي وأول مرة هيمسك إيدي (فيديو)

مروة لبيب | فى حياة المشاهير

المذيعة سما أحمد

الأحد , 29 مايو 2022 - 11:05 | اخر تحديث: الأحد , 29 مايو 2022 - 11:05

بعد أن أثارت حالة واسعة من الجدل كشفت الإعلامية سما أحمد حقيقة هروبها من حفل زفافها في الشيخ زايد.

وفي مقطع فيديو نشرته عبر YouTube قالت سما أحمد إنها لم تهرب من زفافها مطلقا مضيفة "والدتي تعبانة من فترة وجاتلها جلطة، والستات المصرية لما بيتعبوا بيحبوا يطمنوا على بناتهم، فقالت ليا يا سما عايزاكي تتجوزي فلان، فقلت لها حاضر لأني عايزة أريحها وتبقى مبسوطة".

نرشح لك: شيرين تنفي عودتها لحسام حبيب : ليه أعمل كده في السر؟

وتابعت سما أنها لم تعرف خطيبها جيدا وعرضت على والدتها أن تتيح لها الفرصة من خلال فترة للخطوبة للتعرف على شريك حياتها، إلا أن والدتها رفضت وطلبت أن تتزوج مباشرة.

المذيعة سما أحمد

وتابعت سما أحمد "في 10 أيام اتفقوا هنكتب الكتاب ونجيب الفستان ولقيت نفسي بتجوز وأنا ماتكلمتش معاه ساعتين على بعض.. أنا مش عايزة أزعلها وأضايقها، فقلت حاضر هضغط على نفسي عشان أشوف الفرحة في عينها لأنها مريضة والحالة بتدهور.

المذيعة سما أحمد

واوضحت "أنا مخطوبة من بني آدم أول مرة يقعد جنبي، وأول مرة هيمسك إيدي، والمعازيم قالولي حاولي تنبسطي، لكن أنا كل اللي كان يهمني نظرة ماما إنها فرحانة، وسبحان الله المأذون اتأخر، ولما المأذون جه، وبيكتب القسيمة قمت قولتله قدام الناس أنت شخص محترم وجميل وفيك كل الصفات الحلوة، أنا آسفة أنا مش قادرة أكمل".

واختتمت سما أحمد: "أخدت فستاني ومشيت ومش قادرة أواجه حد، الدنيا اتقلبت وقالوا هربت، بس أنا مهربتش ولا عملت دا عشان أركب التريند، مش هركب التريند على حساب نفسي".