ابنة فيروز بعد خطأ إليسا في كلمات أغنية "حنا السكران": ضحية مش مجرمة

مي جودة | فى حياة المشاهير

إليسا وأسامة الرحباني من الحفل

الجمعة , 27 مايو 2022 - 01:31 | اخر تحديث: الجمعة , 27 مايو 2022 - 01:32

وجهت ريما الرحباني، ابنة الفنانة القديرة فيروز، انتقادات لحفل "ليلة أمل" الذي أقامه الموسيقار أسامة الرحباني في بيروت مؤخرا، وأحيته كل من النجمتين إليسا وهبة طوجي.

خلال الحفل، غنت إليسا بصحبة هبة طوجي أغنية "حنا السكران"، واخطأت في الكلمات قائلة: "يبقى حنا السكران قاعد خلف الدكان عم يزبط بنت الجيران"، وفي الأغنية الأصلية "يغني وتحزن بنت الجيران".

وكتبت ريما الرحباني ردا على خطأ إليسا: "يعني بيكون الواحد عايش بأمان الله وومرتاح وناسي الله اللي خلقن، بيطلعلو حدا يحطّلو ع صفحتو شي ما بعرف شو فينا نسميه! والله من بعد ما شفت هالمقطع العجيب من شي إسمو متل الحلم او متل الكابوس هيك شي!
فهمت ليه الكل كان ناطر قول شي! وما كنت ناوية لا شوف ولا قول إنما شرّف المقطع لعندي ما عاد فيني ما قول! اللي رح قولو ما ح يكون طويل، لأن مانو محرز أعطيه أكتر من كلمتين نضاف من وقتي ومن حجمه! ويمكن تتفاجاؤوا باللي رح قولو!".

وتابعت: الحق مش ع إليسا! واليسا باللي صار ضحيّة مش مجرمة، المجرم الأوّل والأخير هوّي الطبل اللي داير إليسا والتوابع، ومعتقد حاله، بيحق له يتصرّف ويأذن للفنانين يغنوا أغاني فيروز، ومعتقد يحق لّه يشوّه يبهدل هالإرث براحتو بدون حسيب ولا رقيب، وهالشي كله فقط لأن عبقري متل زياد أعاد بعض الأغاني! فإعتقد الطبل إنه هو كمان عبقري ووريث، ويريد يعيد نفس الأغاني! كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين!.

وأضافت: بس معليش، إلا ما يصير في دولة وحبوسة فهذا الموضوع ما رح فوت فيه الآن! المهم بالموضوع إنه شغلة اللي بدو يعيد شي ويسمّي حالو بروديوسر ويمضي ع الطالع والنازل وفوق كل الأسامي ويعربش ع الأصل والأصليين، شغلته على اللأقل يعلم الفنان أصول اللفظ واللحن والأداء والكلاااااااااااام 😂 والكلام! مش شغلة المغنّي يغنّي ع ليلاه! وينبش كلام من ذاكرته وقت كان عمره عشر سنين! واللي بدو يعمل تحيّة ولو كذّابيّة لعمّه أقلّه يحترم له ألحانه ويحترم ورثته.

واستكملت كاتبة: خاصة اذا كان عارف ومأكّد إنه الورثة ما بيريدوا هالأغاني بالذات تنعاد، ورثة الياس، وإذا بتمرق ع بعض الناس إنه هاي فعلا تحية ما بتمرق ع كل الناس إنّها كذّابيّة! عدا عن إنّو ما بفهم كيف ممكن واحد يعمل حفلة كلا نشاز! بهالوقاحة! شو ما شاطر يتفلسف إلا ع الهواة؟ ومصدّق حاله ونازل فيهن بهدلة إنه هوي يابا شي كتير مهم وعبقري وديكتاتور ومُتطلّب وقاسي ومش سهل الرضى أبداً، كيف بيوقف الشخص كيف بيحرك إيده كيف بتحرك الراس وين بيلتفت أمتى بيلتفت، كل شاردة وواردة بدّو يكون راضي عنّا، وما بيعجبو العجب! والله العظيم تحط نفسك في مواقف بايخااااااااااا".

واختتمت كاتبة: فهاي ما كانت تحيّة هاي كانت إهانة لأعمال عاصي ومنصور وإلياس وبس بزيادة هلّق! أخيراً أخيراً أخيراً، في عاصي الرحباني واحد ما في غيرو ولبعد ألف سنة ما بيجي غيرو! عرفت كيف؟ شد طلوع شد طلوع اوعى ما تزمّر ع الكوع".

يذكر أن هذه ليست المرة الأولى التي تنتقد ريما الرحباني تصرفات إليسا، ففي 2018، انتقدت ريما الرحباني إليسا خلال الرد على شخص انتقد البوم والدتها فيروز، حيث كتبت المخرجة: "بعيد الشر عن قلبو ومع مين بدنا نتسلى الليلة؟ أنا بقول حط عقلو براسو وعم يطبع ديوان الشعر بلكي الطبعة الأولى منهديها لإليسا تغنيها مللي بتحل عن أغاني فيروز ومللي حرام بيجلس تمّا شوي!"

بعد صورتها مع جثمان والدها المتوفي... كادي القيسي ترد: أنا حرة

أول عروسة "عابرة جنسيًا" .. الممثلة لافرين كوكس تحصل على نسختها من "باربي"

رانيا يوسف تعلق على تصريحات رامز جلال عنها في "رامز موفي ستار": عِشرة عمر ونيته حلوة

لا يفوتك- حكايات وأسرار من حياة أحمد حلمي ... صفحة الوفيات غيرت حياته وقارئة فنجان تنبأت له بالنجاح