هبة مجدي عن دورها في "المداح 2": رحاب إنسانة مش مظبوطة

محمد سلطان محمود | فى سينما وتلفزيون

هبة مجدي

الثلاثاء , 10 مايو 2022 - 14:05 | اخر تحديث: الثلاثاء , 10 مايو 2022 - 16:05

كشفت الفنانة هبة مجدي عن أسباب حماسها للمشاركة في مسلسل "المداح أسطورة الوادي".

وأوضحت هبة مجدي التي حلت رفقة حمادة هلال وسهر الصايغ ضيوفا على الإعلامي عمرو أديب ببرنامج "الحكاية" عبر قناة mbc مصر، أنها تحمست للمسلسل فور قراءة سيناريو الحلقات الأولى، لتوقع على العقد دون تردد.

وأضافت: "قعدت مع المخرج أحمد سمير فرج واتكلمت كتير معاه عن الدور، لأن تاريخ الشخصية في الجزء الأول غير الجزء التاني، نفس الأخوات موجودين والأسرة لكن الأحداث جميلة وشدتني".

نرشح لك- زوج رحمة أحمد: عشنا فترة صعبة بسبب شائعات الطلاق

وتحدثت هبة مجدي عن شخصية رحاب التي جسدتها ضمن أحداث مسلسل "المداح أسطورة الوادي" قائلة: "هي إنسانة مش مظبوطة، مش طبيعية، الشخصية دي في كتير جدا منها في الحياة، وأنت تبقى شايف الحلو فيها وناس تانية شايفة الوحش، بس هي موجودة".

وأكدت على اعتقادها بوجود الجن حولها في كل مكان موضحة: "الجن موجود في كل حتة من غير أحنا نحس، ودي أكتر حاجة شدتني في السيناريو، أن المواقف دي بتحصل فعلا، الخناقة اللي في البيوت والخناقة اللي بين إتنين أصحاب، بتحصل فعلا".

وتابعت هبة مجدي حديثها عن الجن في أحداث المسلسل وقالت: "البنت اللي بتحب رجل ومش قادرة تطوله، ممكن تعمل له عمل وممكن تأذيه وهي بتحبه".

وردا على سؤال عمرو أديب حول اقتناعها بوجود الجن قالت: "الدنيا بقت فيها حاجات كتير اوي، فمتعة بالنسبة للممثل أن هو يعرف يلعب الأدوار اللي مش عارف يعيشها في الحياة، أنا مش كده وحمادة مش كده، دي بقى المتعة".

يذكر أن مسلسل "المداح 2: أسطورة الوادي" من بطولة حمادة هلال، أحمد عبد العزيز، هبة مجدي، كمال أبو رية، سهر الصايغ، خالد سرحان، جمال عبد الناصر، دنيا عبد العزيز، تامر شلتوت، هلا السعيد، من تأليف أمين جمال، وليد أبو المجد وشريف يسري وإخراج أحمد سمير فرج.

وحقق الجزء الأول من المسلسل نجاحا كبيرا عند عرضه في شهر رمضان الماضي، وشارك في بطولته نسرين طافش، أحمد بدير، محمد عز، محسن منصور وعمرو رمزي.