زيزي عادل لوالدها الراحل: سألت وعرفت إنك دلوقتي بتتباهي بيا بين الأموات

مي جودة | فى حياة المشاهير

زيزي عادل

الخميس , 28 أبريل 2022 - 02:04

وجهت الفنانة المعتزلة زيزي عادل رسالة لوالدها الراحل بعد إعلانها اعتزال الغناء للتقرب إلى الله.

نشرت زيزي عادل صورة لها مع والدها عبر حسابها بتطبيق Instagram، وكتبت عليها تعليقا جاء به: "كان نفسي تكون موجود يا حبيبي وتفرحلي وتدعيلي زي كل الناس ما دعيتلي واشوفك وانت مبسوط وبتتباها بيا قدام الناس وانا سألت وعرفت إنك دلوقتي بتتباهي بيا بين الأموات... وطول منا ربنا راضي عني وببعد عن أي فعل يغضبه فأنا بخير وانت كمان بخير يا حبيبي
عارفه اني شلت من عليك حمل كبير...
١٠سنين من غير ما اشوفك يا بابا وحشتني.. وحشني اسمع صوتك واتكلم معاك
ربنا يرحمك ويغفرلك و يعفو عنك يا حبيبي يا بابا الي ان نلتقي في الجنه بإذن الله
ارجو الدعاء لأبي في هذه الأيام المباركه فضلا وليس امراً".

يذكر أن زيزي عادل أعلنت اعتزالها الغناء مؤخرا، عبر حسابها بـInstagram، في فيديو شرحت فيه أسباب قرار الاعتزال قائلة : "أنا النهاردة طالعة أقول خبر مهم أخدته في حياتى وهو قرار اعتزالي، اللي أحذته من فترة كبيرة جدا، لكن كنت حابة أتكلم مع نفسي ومع الناس القريبة مني، وشجعوني ودعموني، وقراري بيبعدني عن أكبر مغريات الحياة وهي الشهرة والأضواء".

وأضافت : "أنا ببعد عن الفن عشان بقرب من ربنا، والفترة اللي فاتت قربت من ربنا جدا، ولقيت إن القرآن بيقولي لازم أكون ست ملتزمة، وبحاول على قد ما بقدر أكون ملتزمة وهتستغربوا إني طالعة بشعري ومش محجبة، ويمكن ده لأن ربنا لم ينعم عليا بالحجاب، وبدعى ربنا يتممها عليا".

وجاء قرار اعتزال زيزي عادل بعد أيام قليلة من طرحها ألبوما غنائيا دينيا بعنوان "سيبها على الله"، عبر قناتها بموقع يوتيوب، ظهرت في الصور الخاصة به بالحجاب، ويضم الألبوم 5 أغنيات هي: "الذرية الصالحة - أفضل الخلق - يا رحمن يا رحيم - سيبها على الله - زيزي عادل - الطيبون للطيبات".