ليلى عز العرب: استكمل تصوير "العميل صفر" قريبا وزوجي لا يشاهد عمل اشارك فيه

FilFan | فى حياة المشاهير

ليلى عز العرب

الجمعة , 22 أبريل 2022 - 22:01 | اخر تحديث: الجمعة , 22 أبريل 2022 - 22:01

تحدثت الفنانة ليلى عز العرب عن بدايتها الفنية في فيلم "ألف مبروك" مع أحمد حلمي.

قالت ليلي عز العرب خلال مداخلة هاتفية لبرنامج "اللمة تحلى" على "شعبي اف أم" مع شيماء السباعي " انا بحب ابدأ الحاجة من الصفر، ولما أحقق حاجة بحب أبدأ حاجة تانية من الصفر"

نرشح لك: دمية "حزلقوم" المسحورة وطقم جديد لـ"مربوحة" في الحلقة الـ21 من "الكبير أوي 6"

وتابعت " قبل التمثيل كنت فى مركز كبير فى قطاع البنوك، كنت مدير عام رئيس قطاعين ده قبل نائب رئيس مجلس إدارة على طول، وقعدت في الشغلانة دي ٣٠ سنة فاكتفيت، و لما كنت فى المنصب وبروح أمثل كان زمايلى بيفرحوا اوى"

و أضافت "انا زوجة مطيعة جدا وعشان أمثل اتخانقت مع جوزى خناقة كبيرة، وبطلت فترة إرضاء له، بس لما جاتلى فرصة حقيقية اتمسكت بيها اللى هى فيلم "ألف مبروك" مع أحمد حلمى، وبعد نجاحى بقى زوجي داعم بس ما بيحبش يتفرج على اى حاجة انا فيها بس هو مش تليفزيونى عموما وبيقولى انتى بالنسبة لى مراتى مليش دعوة بالفنانة".

طالع ايضًا: "جلجل" يتقمص شخصية صالح سليم في "الشموع السوداء" في الحلقة 21 من "مكتوب عليا"

وتابعت "الناس بتنادينى فى الشارع بالحاجة "سامانتا" كأنى ما عملتش حاجة فى حياتى غيرها، يا إما أم الكبير ونادرا ما يتذكروا الف مبروك حتى الكشك اللى جنب البيت بيقولى أم الكبير جت".

وعن أجمل كواليس صورتها فقالت "كانت فى مسلسل "الكبير أوي"، وعلاقتى بمكى هو فعلا ابنى فأنا أم الكبير فعلا، كمان الناس اللى ورا الكاميرا ولادي وإحنا عيلة كبيرة وإن شاء الله يبقى ليا نصيب أكبر فى الجزء السابع من الكبير" .

وأضافت "التمثيل حلو فى اختلاف الأدوار، وتقديم البرامج يديكى فرصة أنك تقولى كلمة طيبة توصل للناس بس لولا التمثيل ما كنتش هقدر أقدم البرنامج".

وعن مسلسل "الاختيار" فقالت "أنا بسعد فيه حتى لو طلعت مشهد صامت، بحس كده إن ده توفيق ربنا، وده الذاكرة اللى هتفضل معانا كتير وكل ما ننسى نفتكرها، وفعلا قولت أنا نفسى أطلع أم كريم عبد العزيز و فعلا اتحققتلى الأمنية".

وتابعت "انبسطت أوي لما كلموني من يومين وقالولى هنكمل العميل صفر مع أكرم حسنى لأنه دور مختلف جدا وهيبقى فيلم كوميدى فظيع".

واختتمت حديثها "الإفطارات العائلية ولمة العيلة من العادات أو الطقوس اللى مفتقداها فى رمضان، والسنة دى فطرت فى البيت مرتين".

اقرأ أيضا:

فيفي عبده تلغي متابعة بسمة وهبة بسبب "العرافة".. هاخد حقي منها

المرض يهاجم سالي عبد السلام مجددا … حقن كورتيزون في الرأس

إلهام شاهين: متفاجئة من تعليقات الناس بعد ظهوري في "بطلوع الروح"

مي كساب: ابنتي أعطتني درسا في الأخلاق بسبب انشغالي عنها في رمضان (فيديو)

لا يفوتك- أحمد خشبة لـ «في الفن»: "أول شخصية قلدتها كانت مدرس اللغة العربية .. وشهرتي بدأت من على القهوة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ