خالد عليش مطالبا بتغيير قانون الحضانة: في ام ظالمة بتبهدل عيالها عشان تذل طليقها

مي جودة | فى حياة المشاهير

خالد عليش

السبت , 16 أبريل 2022 - 19:59

طالب الفنان خالد عليش بتعديل قانون الحضانة في قانون الأحوال الشخصية، مستدلا بأحداث مسلسل "فاتن أمل حربي".

كتب عليش عبر حسابه بموقع Facebook: "قانون الأحوال الشخصية محتاج تعديل يضمن حق الست و الرجل و قبلهم الاطفال
لو عمل درامي ناقش حالة واحدة بظروف معينة، في حالات تانية كتير مظلومة و متبهدله سواء ستات او رجالة
احنا زي ما بنتكلم علي اب ظالم مبهدل عياله عشان يذل طليقته، في ام ظالمة بتبهدل عيالها عشان تذل طليقها اللي ساب جنتها و خلع و يتعاقب باقي حياته، حتى لو هي اللي طالبة الطلاق".

وتابع: حق الولاية و الحضانة لازم تكون مشتركة بين الأب والأم، ازاي اب هيربي اولاده و القانون بيديله بس انه يشوفهم كم ساعة في الاسبوع في مكان عام و مش من حقه ياخدهم و يخرجهم او يسافر معاهم، ازاي الطفل اصلا هيبقي في علاقة طيبة بينه و بين والده و هو مش بيشوفه غير ساعتين في الاسبوع والأم طول الاسبوع بتسمعه كلام وحش بشكل مباشر او غير مباشر عن باباه و جده و جدته
لازم الطفل يعيش مع باباه ومامته مشتركين، لازم الطفل يسافر مع باباه و مامته و بتفسح معاهم هما الاتنين".

وأضاف: لازم الاب يكون عنده الحق يدخل لابنه المدرسة و يتناقش مع المدرسين و يرووح الطفل اوقات و يمارس دوره كأب مش يمنعوه من ده
اتقوا الله في اطفالكم و اوعو تشجعو ام مانعة الاب يشوف اولاده بحجة انه هيخطفهم و لو عايز تشوفهم تعالى اقعد في بيت اهلى تتفرج عليهم من بعيد عشان متاخدش الطفل و تهرب او استخدم حق الرؤية و شوف الطفل زي المسجون اللي مستني الزيارة.

يذكر أن هذه ليست المرة الأولى التي ينتقد فيها خالد عليش قانون رؤية الطفل وحضانته، فسبق وانتقد عدم قدرة الأب لرؤية ابنائه وقال "ازاي يكون في تربية سليمة لطفل القانون بيدي لأمه كل حقوقها كاملة و مش بيدي لابوه غير انه يشوفه كم ساعة و في حالة امتناع الام و رفع دعوة اسقاط حضانة توديه مرة وكأن شئ لم يكن و تبدأ الرحلة من جديد في طلب الرؤية و الطفل هو الخسران الوحيد."

وكان خالد عليش متزوجا من ميما الشامي وتطلقا، وأسفر عن طلاقهما طفلة.