مخرج كليب "بربري" لمروان بابلو يرد على اتهامه بتقليد آخر أجنبي

مروة لبيب | فى موسيقى وحفلات

بربري

السبت , 12 مارس 2022 - 14:09 | اخر تحديث: السبت , 12 مارس 2022 - 14:12

رد محمد إبراهيم مخرج كليب "بربري" لمطرب الراب مروان بابلو على الاتهامات التي طالته بتقليد فيديو كليب أجنبي في كليب "بربري".

ونشرت صفحة "راب سين" عبر Twitter، مقطع فيديو للمخرج محمد إبراهيم يرد فيه على اتهامات التشابه مشيرا إلى أنه استخدم نفس التقنيات وهي الشاشات المعلقة في السقف في ألبوم لفرقة كايروكي قبل أعوام وأن تلك التقنيات تستخدم في الحفلات وحفلات الزفاف أيضا.

محمد إبراهيم، مخرج كليب "بربري" لمروان بابلو قام بالرد على الأقاويل المتداولة حول تشابه الكليب مع كليب أجنبي.. ويوضح كيف استوحى الفكرة ☢ 🗣 pic.twitter.com/JHhQ4rvGfw

— راب سين - Rap Scene (@RapSceneAr) March 11, 2022

جدير بالذكر أن تراك "بربري" يعد عودة مروان بابلو لجمهوره بعد غياب عام كامل.

وتقول كلماتها:

سايق الألماني لا أبالي
تكلكعو أسلكم بالألي
بتضطروني أديكم العالي
عارف إنك صورم وأناني
نفسك تطلع تيجي في مكاني
بس أنا في الساحة همجي وبربري
متجيش عالسكة متجيش قدامي

[Image_2]

متجوش عالسكة أنا هارشكو
كشاف علي عينو اتفو علي وشه
إحنا الدهب أشباهكم قِشرُه
إنت تفتح بؤك بس أما نسكت
جندي وربك مخليني فارسهم
عيال مِعوِجة محبش مجالسهم
أنا راجل دغري عايز التمن أرقام
أنا في التوب قولي ليه أنافسهم
إحنا لو بالفزبة برضو هنسبق
نمشوها فرِدة علي المرور
ودا مش ديس لا العيال دي شِشنة
كلوز أپ سيجنال مبينضفوش
نفوسهم عِكرة كاتب ليستة
كل اليسرق هنسلخوه
كيشت بكارت الڤيزا
جبت عربية جديدة
ومش بابي الإداني الفلوس

[Image_3]

سايق الألماني لا أبالي
تكلكعو أسلكم بالألي
بتضطروني أديكم العالي
عارف إنك صورم وأناني
نفسك تطلع تيجي في مكاني
بس أنا في الساحة همجي وبربري
متجيش عالسكة متجيش قدامي

بربري بربري مجيش عالخالي
علي وضعنا والبساط أحمدي
المنطقة دعيالي المدينة دعيالي
واللي ركبو الويڤ دول يبقو عيالي
انت بزمبلك no مش challenge
تجري وهتقابل شنكلي
في أرض الواقع أنتم هلاهيل
و كلها فاهمة أنك شو وفنجري
عالهادي عالهادي
أنت رخيص أصاحبي معايا سعرك
زميلي قولهم أن الحك مش مهنة
الفلوس بتزيد الغِل بيظهر
(وكله علي الله)
زميلي الألبوم عالنار ناقصه التتر
الموضة بتاعتكو دي قديمة وبطلت
مش بتفهم في الأصول ليه بتكرت
مانتو لو عايزني هتلاقوني

سايق الألماني لا أبالي
تكلكعو أسلكم بالألي
بتضطروني أديكم العالي
عارف إنك صورم وأناني
نفسك تطلع تيجي في مكاني
بس أنا في الساحة همجي و بربري
متجيش عالسكة متجيش قدامي

وكان مروان بابلو فاجأ جمهوره في يناير 2022 بحذف كل صوره عبر حسابه على Instagram مما دفع البعض للاعتقاد أنه قرر الاعتزال.

لكنه عاد للتواصل من جديد مع جمهوره بعد طرح الأغنية ونشر عبر حسابه على Instagram صور من كواليس تصويرها.

ومروان بابلو مطرب راب، عمره 26 عاما، حقق نجاحا كبيرا فى فترة قصيرة بإطلاق عدد من الأغاني على إيقاعات الراب كان من بينها أغنية "الجميزة"، كما طرح آخر ألبوماته "غابة" في مارس 2021 الذي يضم 5 أغاني.