"الكاستينج ديريكتور" طالب 10٪ ... فنان شاب يقرر الاعتزال ويبحث عن فرصة للسفر

نادين يوسف | فى حياة المشاهير

شريف إدريس

الخميس , 10 مارس 2022 - 11:03 | اخر تحديث: الخميس , 10 مارس 2022 - 11:03

أعلن الفنان شريف إدريس عن اعتزاله للفن ورغبته في البحث عن مجال عمل آخر خارج مصر، وذلك من خلال منشور له على صفحته بموقع التواصل الاجتماعي Facebook

أوضح شريف أن السبب وراء قرار اعتزاله الفن هو عدم وجود فرص عمل في مجال التمثيل ورغبة "الكاستينج دايركتور" في الحصول على نسبة من الأجر

نرشح لك: خاص رمضان 2022- تفاصيل "الكبير أوي 6" شخصيات جديدة و 3 وجوه لمكي ومصير دنيا سمير غانم

قال شريف إدريس "بعد ٣٥ سنه سعي وتعب وشقي في الوسط الفني قررت الاعتزال والابتعاد تماما وتغيير مسار حياتي وأي حد عنده فرصة سفر ليا هاكون شاكر ليه وده طلبي الوحيد..وده قرار أخدته بعد ما الامور وصلت في الوسط الفني لمرحله عبثيه وصلت اني بقيت بشوف بعض الزملاء بيشحتو الشغل علني علشان يشتغلو لان الشغل بقي متقسم علي ناس معينه..فلو الامور وصلت لكده ابعد احسن"

وأضاف "وحتي لما بيجي شغل بيتفرض عليك توافق باقل الفلوس وتخرج من الشغل مديون..ومواقف مهينه زي ان شركة انتاج تعرض عليك اجر هو قيمة ربع اجرك والسبب انهم الميزانيه مصروفه عالديكور..طب خلو الديكور يمثل"

روى شريف أحد المواقف التي تعرض لها وقال "هحكيلكم موقف حصل معايا من اسبوع..اتصل بيا حد قالي عايزين حضرتك بكره عندك تصوير في مسلسل كذا بس هتدفع عشره في الميه للكاستينج دايريكتور..كان هيجيلي جلطه بعد ماقفلت المكالمه ووافقت علشان انا محتاج اشتغل ومحتاج فلوس..وماقدرتش استوعب الفكره بصراحه اني بعد العمر ده مضطر ادفع علشان اشتغل فاتصلت واعتذرت…وده الحال حاليا ان الامور بقت في ايد كاستينج دايريكتور..وده موقف من مواقف كتير مريت بيها لو حكيتها محتاجه كتاب مش بوست عالفيس"

وتابع "فطالما الشغل بقي لازم يتدفعله..وطالما الشغل بقي بالشحاته..يبقي بلاش احسن، انا طول عمري راضي الحمد لله..بس حقيقي انا وصلت لمرحلة اكتئاب وصلتني اني بقيت بنام احلم بكابوس اني بقتل عيالي وبقتل نفسي لأني وصلت لمرحله نفسيه وماديه اني بقيت مش قادر اربيهم ولا اصرف عليهم وانا عندي تلات اطفال بعبدهم عباده متخيلين حجم المسؤليه..وبقيت مديون لطوب الارض"

وأضاف "حقيقي لو حد عنده فرصة سفر ليا هاكون شاكر ليه جداً وهيكون جميل في رقبتي لحد ما اموت لأن حقيقي انا مش قادر اعيش في البلد دي تاني انا حاولت اسعي في اي مجال تاني بس ماقدرتش"

كما أكد على اعتزاله الفن بشكل نهائي وقال "وحقيقي لو اتعرض عليا بطولات بعد البوست ده هرفضها لان البوست ده هو نهاية علاقتي بالمجال اللي اتربيت فيه ودرسته وعشت فيه كل تفاصيل حياتي والحمد لله علي كل شئ"

وأعلن رغبته في الحصول على فرصة عمل خارج مصر حيث قال "همسح ابلكيشن فيسبوك من تليفوني لاني هنزل ابيع تليفوني اصلا..فانا هاكون متاح اونلاين لحد بالليل..لو حد عنده فرصة شغل وسفر ليا ومش معاه رقمي ياريت يجيبه من اي حد"

واختتم شريف إدريس كلامه قائلا "ملحوظه:انا مش محتاج طبطبه من حد انا محتاج فرصة سفر وشغل تخليني اعيش ولادي حياة كريمة وشكرا ليكم محبتي للجميع، هاين عليا اقوم ارمي نفسي من البلكونه بعد ماوصلت اني اكتب البوست ده"

يذكر أن شريف إدريس هو ممثل شاب بدأ حياته الفنية منذ الطفولة وشارك في العديد من الأعمال الفنية من بينهم مسلسل "نسر الصعيد" مع محمد رمضان، مسلسل "الجماعة" الموسم الثاني، مسلسل "قصر النيل" الذي عرض في رمضان الماضي وآخر أعماله كانت فيلم "انهاردة يوم جميل" مع نجلاء بدر، هنا شيحة وغيرهم نخبة من النجوم ومن إخراج نيفين شلبي

لا يفوتك- ويل سميث في المقدمة - قائمة بأسماء النجوم "الأغلى" في تاريخ هوليوود وأفلامهم التي تربعت على القمة

اقرأ ايضًا:

طرح الإعلان التشويقي لمسلسل Bridgerton تمهيدا لعرضه على نتفليكس

ابنة سامي العدل تكشف حقيقة عملها على "عربة مأكولات" في دهب

صورة عمرو دياب تتصدر برج خليفة في دبي احتفالا بتعاونه مع "أنغامي"

ماذا قالت صفاء أبو السعود بعد تكريمها في احتفالية المرأة المصرية؟ (فيديو)

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5