مي حلمي ترد على رضا عبد العال: بنصور حاجة مش عاوزة هبد.. وهجيب الناس اللي شالتني

مي جودة | فى حياة المشاهير

مي حلمي

الخميس , 3 مارس 2022 - 14:23

ردت مقدمة البرامج مي حلمي على تصريحات المحلل الرياضي رضا عبد العال هو واقعة طلبه 100 ألف جنيه ليحل ضيفا في برنامجها الجديد.

كتبت مي حلمي عبر حسابها بتطبيق Instagram بخاصية Stories: "كابتن رضا عبد العال زعلان يا جماعة عشان جاوبت على سؤال بصراحة، لما قالوا لي هاتي كابتن رضا في البرنامج الجديد، قولت لهم لما طلبته قبل كدة قال عاوز 100 ألف، لكن البرنامج الجديد لسه هندفع طيران ومن مصر على الإمارات وقصة، وبنصور حاجة مش عاوزة هبد، حاجة من أرقى ما اتعمل في البرامج الكرة، فهجيب الناس اللي شالتني في الحكم".

وتابعت: طيب، أنت زعلان ليه يا كابتن من الصراحة، ما أنت بتقول رأيك براحتك وبتنتقد عاطل مع باطل صح ولا غلط، وطلعت عين أم النني لحد ما الشنواني قال لك حسبي الله ونعم الوكيل، زعلان إني بحكي موقف حقيقي من غير هبد.

يذكر أن مي حلمي كشفت عن سبب عدم استضافتها لرضا عبد العال، المحلل الرياضي ولاعب الزمالك والأهلي الأسبق في برامجها الرياضية. (التفاصيل)

جاء ذلك خلال إجابتها على أسئلة جمهورها التي تلقتها عبر حسابها على Instagram، وكان السؤال: "عاوزين حلقة مع كابتن رضا عبد العال، وأجابت مي حلمي قائلة: عاوز 100 ألف جنيه علشان نعمل حلقة هبد ونقفل القناة ونشطب سوق الكرة كله ونضحك الناس علينا ونتكلم على اللاعيبة اللي سعرها مش سعرها".

وأضافت: "ليه 100 ألف ليه هحلل مع دروجبا؟ هو أحنا حلوين مع بعض أوي في الإعلانات أنما 100 ألف دي أروح بيها المالديف شهر وأطلع كل يوم لايف".