ريهام سعيد: حاسة إني هموت... ومش مسامحة حسن شاكوش

مي جودة | فى حياة المشاهير

ريهام سعيد

الثلاثاء , 22 فبراير 2022 - 12:02 | اخر تحديث: الثلاثاء , 22 فبراير 2022 - 14:02

وجهت مقدمة البرامج ريهام سعيد رسالة طويلة لمتابعيها عبر صفحتها الرسمية بموقع Facebook، شاكية من قرارات إيقافها عن مزاولة المهنة بسبب أخطاء تجدها لا تقارن بالتشكيك في معراج الرسول الكريم.

كتبت ريهام سعيد: "اقسم بالله كل حرف هاكتبه صادق و من قلبي، أنا حاسه إني هموت قريب عشان كده هابعد عن السوشال ميديا عشان اقعد مع أولادي اكتر وقت ممكن خصوصا ابني الصغير، يمكن سحر يمكن اكتئاب ويمكن حقيقي، غالبا إحساس الظلم كان بيقتلني بالبطيء في يوم من الأيام الدنيا قامت علي عشان ثعلب، أما المعراج وإنكارها عادي، تامر أمين يغلط في الصعايدة قاصد أو مش قاصد يتوقف ٣ شهور، لكن أنا أعمل أكبر حملة للسمنة وأعالج آلاف من السمنة وعمليات ببلاش ويفتروا علي ويقولوا إني قلت ان ريحتهم وحشه واتوقف سنة، فتاة المول ولا تحرش ولا نيلة وأجيب فيديو وهي معه، محدش يشوفه واتحاكم وأدفع اللي ورايا واللي أدامي لسما المصري عشان تتنازل لأن هي اللي زقاها عليه".

وتابعت: لو مت أنا مش مسامحة، مش مسامحة أي حد قال عليه كلمة واحدة مش حقيقية أو على السمع، مش مسامحة أي صحفي كتب عني كلمة ظلم مش مسامحة أي واحد كتب كومنت موت بيها أطفال القلب، كفايه إن أي حاجه الإعلام بيتكلم فيها دلوقتي أنا متكلمة فيها من عشر سنين.

وأضافت: مش مسامحة ولا هسامح، مش مسامحة اللي بتسحر لي كل شوية، مش مسامحة حسن شاكوش واللي عمله في أولادي، مش مسامحة أي حد ساهم في خراب بيتي وضياع مجهود سنين ومش مسامحة أي حد أنا معرفوش ضدي وبيحاربني وأنا مش عارفة، المهم إني أجهز للقاء ربنا أعوض الصيام وأصلي كتير واتصدق وأدعي، أدعوا لي أنتم كمان ربنا يغفر لي. ريهام بتجيب مشاكل طب وراحت فين المشاكل لما قعدت في البيت؟

واستكملت: آخر حاجه هاوجحهها للريس أنا لو مت وصيتي أولادي يعرفوا أنا حققت و عملت إيه لأن أكيد حضرتك مش عارف برضوا، أنا أولادي اتعذبوا ورايا في المحاكم والقضايا، أنا ابني كان عنده شهرين زارني في السجن، أنا بهدلت أهلي معي عشان ولا حاجه، كنت فاهمة إني هصلح الكون.

على جانب آخر، كانت ريهام سعيد قررت اعتزال العمل الإعلامي والعودة إلى التمثيل، مكتفية بما قدمته في مجال تقديم البرامج التليفزيونية.

أزمة ريهام سعيد وحسن شاكوش

يذكر أن الأزمة بين حسن شاكوش وريهام سعيد وصلت للقضاء بسبب اتهام حسن شاكوش لها بسبه وقذفه والتنمر.

تعود الأزمة عندما ظهرت ريهام سعيد في برنامج "شيخ الحارة" وأثارت الجدل بسبب تصريحاتها عن المطرب حسن شاكوش وقالت إنها تعتبر شاكوش عدو لها لأنها طلبته للغناء في حفل أقامته لأبنائها في الساحل الشمالي ولكنه طلب مبلغ مالي كبير بالإضافة لرفضه للدخول ماشيًا على قدميه.

ليرد عليها حسن شاكوش في فيديو عبر حسابه على Facebook قال فيه إنه أخبرها بأنه لا يستطيع الغناء بسبب قرار النقابة وبعد إلحاح منها وافق على الذهاب للحفل لألتقاط الصور ولكنه فوجئ بدعاية على منصات التواصل الاجتماعي بالإضافة لوجود عدد كبير من المدعويين، وأضاف في الفيديو أنه طلب منها 30 ألف جنيه ولكنها رفضت فوافق على 10 آلاف فقط لفرقته الغنائية.

اختتم شاكوش حديثه قائلًا أنه رأي في الحفل أشياء لا يستطيع ذكرها وأنه لم يتقاضى منها أي مبلغ مالي.

لا يفوتك: حلم ببدلة الضابط ورحلة مدرسية غيرت مصيره تزوج شقيقتين واختبئ في الكواليس بسبب آية قرآنية ... عباس فارس غول السينما المصرية

اقرأ ايضًا:
كريم مغاوري بعد عرض مسلسل "اللعبة": لو حد قالي يا ابن الملط هحبسه

أشرف عبد الباقي: "كنز الدنيا" خطوة أولى في طريق تعاوني مع ذوي الهمم

أنغام تعتذر عن حضور مهرجان "فبراير الكويت"

السكين والتفاح..كيف رد الشيخ الشعراوي على سؤال أحمد حلاوة الفن حلال أم حرام؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5