تامر حسني يزور الطفل مصطفى شاهين في منزله - فيديو

FilFan | فى حياة المشاهير

تامر حسني ومصطفى

الخميس , 3 فبراير 2022 - 20:02 | اخر تحديث: الخميس , 3 فبراير 2022 - 21:02

زار النجم تامر حسني الطفل مصطفى شاهين الذي يعاني من شلل بجهازه الهضمي، في منزله.

وحرصت والدة مصطفى، على توجيه الشكر لحسني من خلال منشور نشرته عبر وسائل التواصل الاجتماعي Facebook، وكتبت به: "أول ما حالة مصطفى وصلت للفنان تامرحسني، لقيناه بعدها بساعه جاي من آخر الدنيا جري من منطقة الشيخ زايد للتجمع الخامس عشان يطمن على مصطفى وبالصدفة مصطفى اصلاً بيحب تامر حب مش عادي وبيتفرج على افلامه هو بس لدرجة لما شافه مصدقش و افتكر ان دا واحد شبه تامر".

وأضافت،: ابني عنده شلل في الجهاز الهضمي كله مفيش امعاء ولا معده ولا بنكرياس و لما بيتوجع مينفعش ياخد مسكن أو أي دوا يعني ألم طول الحياه و مفيش صحه نهائي و دا مأثر على ادراكه، نفسي ابني يرجع زي صورته اللي في اول الڤيديو قبل المرض ادعوله ارجوكم و ناشدوا معايا كل الجهات المسؤله في دولتنا العظيمه انقذوا مصطفى الموضوع مش سهل و مش اي حد يقدر يعمله لصعوبة الخطوات و التكاليف اللي بتتجاوز ٣٦ مليون جنيه الموضوع اكبر من الأشخاص عشان كدا اتمنى صوتي يوصل لكل الجهات المعنيه الفاضله و شكراً لكل اللي حاولوا يساعدوني".

واختتمت حديثها بـ: شكراً يا تامر على سرعة استجابتك و على كل اللي قولته واللي عملته امبارح واللي لسه بتحاول تعمله عشان طفل انت متعرفهوش ربنا يراضيك يا ابني و ينصرك و يسترك دنيا و آخره". 

من ناحية أخرى، يشارك تامر حسني بصوته في ثاني حملات ومبادرات "أخلاقنا" التي تقدمها وزارة الشباب والرياضة وتحمل اسم "أخلاقنا حياة"، وسيتم عرضها على عدد من القنوات التليفزيونية ومحطات الراديو.

لا يفوتك- حبيبي يا ترافولتا - ترحيب بوسي شلبي بجون ترافولتا الذي وصفه عمرو أديب بالعمل الوطني

اقرأ أيضا:

محمد أمين راضي يعلن حذف دعاية مسلسل "منورة بأهلها" من "شاهد" قبل عرضه بساعات

حفل أنغام في قصر عابدين.. 4 فئات للتذاكر تصل لـ 1850 جنيه وشرط وحيد للدخول

وفاة عايدة عبد العزيز عن عمر يناهز 85 عاما
شاهد لحظة بكاء لطفي لبيب بعد تكريمه ببرنامج "القاهرة اليوم"

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC