مي سليم: فرصنا في الجواز قليلة وبعض الناس بيخافوا يقربوا من الفنانة

FilFan | فى سينما وتلفزيون

مي سليم

الأربعاء , 26 يناير 2022 - 00:58 | اخر تحديث: الأربعاء , 26 يناير 2022 - 00:58

كشفت الفنانة مي سليم عن مواصفات الرجل الذي يحوز إعجابها وتقبل الزواج منه، مؤكدة أنها ليست رافضة لفكرة الزواج نهائيا بالرغم من فشل تجاربها السابقة.

وقالت مي سليم خلال استضافتها في برنامج "كلمة أخيرة" الذي تقدمه الإعلامية لميس الحديدي عبر قناة ON: "مواصفاته إنه يخاف ربنا ويراعي ربنا في كل تصرف بيعمله، وخايف عليا وبيحبني من قلبه، مش تمثيل وكلام يتقال شهرين قبل الجواز، وبعد شهرين تلاتة تلاقي الحقيقة والواقع حاجة تانية."

نرشح لك - كتالوج محمد رمضان للترويج لمسلسلاته ... فيديو معتاد وكلمات تشجيعية

‎‎

وردا على سؤال عن أكثر شيء يزعجها في الرجل لدرجة رفضه أجابت: "أي راجل يهين ست، وأي راجل لا يقدر الست ويستهين بشخصيتها، وإنه يبقى حاسس إنه تملكك. الراجل من حقه يكون راجل في حياتك، لكن في فرق بين راجل يحبك وعاوز يشوفك في أحسن حال وراضي وفرحان بيكي، وراجل عاوز يقضي على كل حاجة حلوة فيكي."

وأضافت: "طبعا في رجالة بيحبوا الست تكون ناجحة ومستقلة وبيكونوا فخورين بإن لها مكانة في المجتمع، بس في ناس عندها غيرة وعاوزة تهدمك."

‎‎

وردا على سؤال هل كونك ممثلة عائق لإنك تجدي رجل يحبك ويحترمك؟ قالت: "للأسف آه، في ناس واخدة فكرة مش حقيقية عن الممثلة. أنا يومي زي أي أم عادية لو معنديش تصوير. ممكن فرص الجواز لينا أقل، وفي ناس بتخاف تقرب، وبيقولوا دي فنانة تلاقيها شايفة نفسها."

لا يفوتك: مفاجآت في "أسرار رشاقة الفنانات" .. أول شيء يدخل معدة منة شلبي؟ وصفة سمية الخشاب ونصيحة مي عز الدين

اقرأ أيضا:

أزواج مشاهير أنجبوا عن طريق تأجير الرحم

قبل "أصحاب ولا أعز".. 10 أعمال من نتفلكس تعرضت لهجوم ومطالبات بمنع العرض

الناقدة علا الشافعي: المنصات الرقمية التطور الطبيعي التكنولوجي والمنتجين العالمين يتجهوا لها

سقوط "المستعمرة" وعمرو سعد ينقذ ابنه من الإعدام ... ملخص الحلقة الثالثة والرابعة من مسلسل "الجسر"

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC