مي سليم: مش رافضة فكرة الجواز وتجاربي السابقة فشلت بسبب صغر سني

FilFan | فى سينما وتلفزيون

مي سليم

الأربعاء , 26 يناير 2022 - 00:09 | اخر تحديث: الأربعاء , 26 يناير 2022 - 00:09

قالت الفنانة مي سليم إنها تسأل نفسها كثيرا عن سبب فشل تجاربها السابقة في الزواج.

وأضافت خلال استضافتها في برنامج "كلمة أخيرة" الذي تقدمه الإعلامية لميس الحديدي عبر قناة ON: "تجاربي في الجواز كانت فاشلة، مش عاوزة أقول حظي لإن كل شيء من عند ربنا، لكن ممكن كنت صغيرة واختيارتي مش مظبوطة وممكن قدر."

نرشح لك - فانتازيا وغموض ونيللي كريم الشريرة.. 5 أسباب تحمسك لمشاهدة "الجسر"

‎‎

وأضافت: "مكنتش موفقة وجوازتي الأولى استمرت فترة قصيرة جدا هي سنة، وبعدها بقيت مسؤولة عن كل شيء له علاقة ببنتي، وجوازتي الثانية استمرت أسبوعين، فالشغل مهم جدا بالنسبالي لإنه مصدر دخل، ولازم أشتغل لإني مسؤولة عن بيت، ولفترة طويلة كنت مش شايفة غير الشغل والبيت وليلي بنتي."

وتابعت: "الحمد الله أنا دلوقتي أحسن ماديا، وكبرت وبقيت واعية أكثر، وشايفة إن مفيش وقت للغلط. أنا مش رافضة فكرة الجواز نهائيا، لكن هي نصيب ولازم أفكر كويس بعد كده، خاصة إن معايا طفلة، ولازم الشخص اللي يكون موجود في حياتي يحترم ويحب ولادي كإنهم ولاده."

‎‎

وبالحديث عن بدايتها الفنية قالت: "أنا في البداية كنت عاوزة أمثل، وأختي ميس كانت عاوزة تغني، لكن بدأنا بالعكس. هوايتي أساسا هي التمثيل، ولما بدأ التمثيل شغلني بشكل مرعب، لكن بتوصلني رسايل من الناس تسألني إنتي فين، والفترة الجاية هيكون في أغاني سنجل كل شوية، عاوزة أعمل أغنية شقية، والغزالة رايقة من أحلى الأغاني اللي سمعتها في الفترة اللي فاتت."

لا يفوتك: مفاجآت في "أسرار رشاقة الفنانات" .. أول شيء يدخل معدة منة شلبي؟ وصفة سمية الخشاب ونصيحة مي عز الدين

اقرأ أيضا:

#شرطة_الموضة: ألوان ملابس بطلات "أصحاب ولا أعز" تكشف عن شخصياتهن.. التقليدية والشجاعة والعملية

التحليل النفسي لويجز: أنا بارد لأبعد الحدود وكنت بعيش بـ20 جنيه وبهرب من الحفلات لما بسمع الأغاني بتاعتي

قبل عرض الجزء الثالث ... تذكر أهم أحداث الجزء الثاني من "أبو العروسة"

خاص "أصحاب ..ولا أعز" صدمات بديهية يحتاجها المجتمع المدعي اخلاقيًا

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC