انتهاء تصوير "نصيبي وقسمتك 4".. عمرو محمود ياسين: كنا بنصور على الهوا وطلبت تغيير أوضة نوم لقسم شرطة!

مي جودة | فى سينما وتلفزيون

الملصق الدعائي للمسلسل

18 يناير 2022 | اخر تحديث: الثلاثاء , 18 يناير 2022 - 15:01

وجه الكاتب والسيناريست عمرو محمود ياسين رسالة شكر لكل المشاركين في الموسم الرابع من مسلسل "نصيبي وقسمتك" على كل المستويات، بمناسبة انتهاء تصوير آخر حكاية.

نشر عمرو محمود ياسين صور لملصقات القصص الثمانية التي جاءت ضمن أحداث المسلسل، وعلق عليهم كاتبا عبر حسابه بموقع Facebook: "فركش اخيرا مسلسل نصيبي وقسمتك ٤
بأمانة شديدة احنا كان معانا وحوش مش كروو، بجميع الاقسام، من إنتاج وإخراج وتصوير وإضاءة ومونتاج صوت ومكساج وديكور وملابس ومكياج وبوفيه سواقين".

وتابع: وطبعا كمان الممثلين بكل حكاية، بصراحة كانوا بييجوا بنعذبهم 🙈😄 والضحايا كتير، بس الناس لازم تعرف إن كل الحكايات اتكتبت ع الهوا، اتصورت ع الهوا، اتمنتجت ع الهوا في سباق رهيب مع الزمن لم أراه من قبل، شيء محدش يقدر يتخيله، بجد اللي حصل في المسلسل ده محدش يتخيله لأننا اضطرينا نشتغل في توقيت معين، وأخدنا الريسك، فنأسف لو في أي تقصير، من أي حد فينا".

وأضاف: أنا عايز أشكر كل الناس فرد فرد لأن كلهم كانوا أبطال، وبيشتغلوا بـ ٣٠ ساعة وأكتر، بس أحب أشير للدايرة القريبة مني في الشغلانة اللي هما كانوا أكبر عون لي، وكنت بتعامل معاهم طول الوقت، وهم المنتج المحترم وصديقي أحمد عبد العاطي، شريك الرحلة اللي بنشيل الهم سوا، والمخرج المنفذ أحمد عمر اللي بينيمني ويصحيني ع مزاجه ويرسم لي الطريق أعمل إيه و معملش إيه 🤓، المشرف العام على الإنتاج ماجد جاب الله المنتج الفني أيمن شوقي، ومدير إدارة الإنتاج وليد الحسيني اللي دايما بيطمني إنه كله تمام حتى لو مش كله تمام بس بيعالجني نفسيا 🙈، ومدير الإنتاج أيمن عباس وجميع أفراد طاقم الإنتاج، مهندس الديكور رمسيس سليم ومهندس محمد المغازي اللي فجأه بطلب منهم تغيير أوضة نوم لقسم شرطة عادي 😄 وباقي أفراد قسم الديكور الرائعين، مسنقين مناظر هاني سلطان وسامي حميدة".

واستطرد كاتبا: ستايلست حسن مصطفى اللي بياخد البريف لاست مينت وبيسد عادي وجميع مساعديه، ومصمم صوت ومكساج العالمي م علي السعيد، مهنس الصوت محمد زكريا ومساعديه، وأسيست محمود والمونتيرة المتمكنة جدا منه جاب الله وأية عبدالعزيز ومصطفى عماد ويوسف عادل اللي صمم هذه الافيشات الرائعة، بروموهات وليد أبوالعنين وبوبا دياب ميكاب آرتيست وجميع مساعديها.

واستكمل: وكوافير اسماعيل الإسكندراني، واكسسوار هاني جمال، وبوست برودكشن خليفة السيد وطاقم الإخراج الرائع الوحوش بجد وحوش، مساعد أول مصطفي الجمال، و ضياء سيف ومي وائل ومأمون شديد وإسلام ناصر بجد ليهم الف تحية، عمود العمل دو وجميع من عمل بالاخراج.

واختتم كلامه كاتبا: مدير التصوير المتميز هيثم ناصر والمخضرم عماد عثمان، وحسن زيدان ومحمد شديد وجميع طاقم التصوير، وكاستنج دايركتور محمد حجاج، طبعا الأسماء دي مش بذكرها مش عشان هي الاهم بقدر ما ان دول الناس اللي كنت بتعامل معاهم طول الوقت بشكل مباشر،
وأخيرا وليس آخرا المخرجين الرائعين. الاستاذ عصام نصار والأستاذ محمد الخبيري والأستاذ رامي رزق الله، اللي قدروا يقدموا حكايات جميله في ظروف صعبه جدا وسكريبت مش خلصان لكن كانوا في ضهري وقدموا شغل رائع، كل التحيه لهم والتقدير والف شكر للجمهور الرائع ع الدعم والمسانده ❤❤".

وتعرض من السبت إلى الأربعاء عبر قناة ON الساعة 8 مساء، 2 صباحا، 1 ظهرا.

وعبر قناة ON دراما 10 مساء، 5 صباحا، 10 صباحا، 4 عصرا.

وعبر قناة MBC1 من الأحد إلى الخميس 4 عصرا، 3 صباحا، 8 صباحا.

لا يفوتك: أكثر زيجات الفنانين - إحداهن تزوجت 14 مرة ... وأخرى اكتفت بـ10 حتى الآن

اقرأ أيضا:

عندما قال رشدي أباظة ليحيى الفخراني: جدع انت عجبتني

20 تصريحا من رانيا يوسف في "مصر جديدة"..شروطها لتقديم مشاهد ساخنة وسبب رفضها الزواج
مصطفى عنبة: اسمي الجديد "عناب" ومضيت إقرار بتغييره في النقابة

لأول مرة حمو بيكا يكشف اسمه الحقيقي

من مشاجرة لقصة حب.. كيف بدأت علاقة يحيي الفخراني بزوجته لميس جابر

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC