بشرى: ميرفت أمين رفضت تكريم من مهرجان الجونة

نادين يوسف | فى حياة المشاهير

بشرى

الجمعة , 7 يناير 2022 - 01:51 | اخر تحديث: الجمعة , 7 يناير 2022 - 02:32

كشفت الفنانة بشرى أن الفنانة القديرة ميرفت أمين رفضت تكريمها من مهرجان الجونة السينمائي

نرشح لك: رانيا يوسف عن وضع اسمها في أغنية الجوكر: أي مجهول عايز يتشهر بيحشر اسمي

قالت بشرى أثناء حوارها مع الإعلامية إنجي على في برنامج "أسرار النجوم" أن ميرفت أمين رفضت التكريم بسبب وفاة صديقاتها المقربات واحدة تلو الأخرى

اوضحت بشرى "بيتم عرض التكريم على نجوم كبار وظروفهم مبتسمحش زي ميرفت أمين اللي اتعرض عليها تكريم من سنتين أو تلاتة ولكن رفضت بسبب وفاة صديقاتها ودة كان صعب أنها تقبل تكريم ودة وفاء للصداقة هي مش قادرة تروح تقبل تكريم وهي حزينة"

وعن تجربة حضور مهرجان البحر الأحمر عبرت عن سعادتها بالمهرجان وأوضحت أن بعض فريق عمل مهرجان الجونة قاموا بمساعدة وإرشاد الشباب السعودي في مهرجان البحر الأحمر

كما تابعت قائلة "أنا منحازة لمهرجان الجونة والقاهرة ومهرجان الجونة شجع وطور من مهرجان القاهرة وشجعه أنه ينافس"

كما أثنت على أداء رئيس مهرجان القاهرة محمد حفظي وفريق العمل حيث قالت "المهرجانات مش عمل فردي بس في حد بيلهم الآخرين واحنا كلنا بنكمل بعض سواءً الجونة أو القاهرة"

وعن الصورة الذهنية عن مهرجان الجونة اتهامه بأنه منحصر في الأزياء والسجادة الحمراء قالت "ظلم بين احنا بنشتغل طول السنة وبنسافر ونتفرج ونقنع الناس اللي كتير بيكونوا خايفين يسافروا للشرق"

وتابعت قائلة "لما تلخص مهرجان كامل في سجادة حمراء اللي مجاش وشاف الندوات والبعد التثقيفي أنا مبقدرش اظلمه لانه مبيشوفش غير اللي بيظهر على السوشيال ميديا"

وأضافت "هيكون في قواعد حاسمة اكتر من قِبل المهرجان للناس اللي بيتم دعوتهم للتغطية لكن دة بيصدر من افراد ومنقدرش نتحكم في الأفراد وبيكون وجهات نظر شخصية لكن التعميم ظلم للمهرجان"

وتابعت "التفاهة بتبيع اكتر خلينا متفقين على دة"

لا يفوتك: أمير المصري لـ في الفن: محمود حميدة موسوعة واتعلمت منه أخد شغلي بجدية.. وبحضر لحاجة كوميدي جديدة