دينا: اتجوزت 9 مرات منهم مرة في السر وعملت كوارث مع اهلي وعمري ما شربت خمرة

نادين يوسف | فى حياة المشاهير

دينا

السبت , 25 ديسمبر 2021 - 01:09 | اخر تحديث: السبت , 25 ديسمبر 2021 - 01:21

كشفت الفنانة دينا عن سبب زواجها سرًا في سن صغيرة حيث قالت أنها تزوجت من أجل الرقص فوالدها رفض عملها

نرشح لك: عمرو دياب ومحمد حماقي يحتفلان بالكريسماس سويا - صور

قالت دينا أثناء حوارها مع الإعلامي عمرو الليثي في برنامج "واحد من الناس" المذاع على شاشة الحياة "نزلت على المأذون اتجوزت علشان اشتغل وقعدت عند مامة جوزي وببايا كان هيموت أنا عملت كوارث مع أهلي"

وتابعت "رجعت البيت وقررت هرقص شرقي وقعد سنتين ميكلمنيش هو كان خايف عليا كنت في ثانوية عامة وكان خايف اسيب دراستي واهمل حياتي بس أنا مكنتش دماغي كدة"

وأضافت "أنا دماغي كانت غريبة شوية قررت اني همشي في المشروع دة حتى لو خسرت لاني بحبه وكنت عارفة أنه هيرجع يكلمني لأن مخاوفه مش هعملها كان خايف ابطل اروح المدرسة والجامعة والوسط الفني سمعته عند اللي قاعدين في البيوت أنهم بيعملوا اللي عايزينه وبيشربوا خمرة أنا عمري ما دوقت البيرة"

وأسترسلت "كان خايف من لبس المهنة مش مسمى المهنة أنا كنت في فرقة رضا وكان خايف من كلام الناس عن المهنة بس كان عندي حاجة جوايا بتقولي اعملي اللي بتحبيه"

كما كشفت عن عدد زيجاتها وأوضحت أنها تزوجت 9 مرات جمعهم من خارج الوسط الفني، وعن أسباب الطلاق فقالت أن تم تخييرها بين الرقص واستمرار الزواج فاختارت الرقص

قالت دينا "قبل الطلاق بيبقى يا تبطلي رقص يا نطلق فبنطلق والله لو كنت بحب ايه مش هحبه أكتر من نفسي أنا اموت لو انفصلت عن الرقص"

وتابعت "أنا بعتبر الحاجات دي جروح خفت وأنا في البيت ست عادية بطبخ وانا طباخة شاطرة جدا وابني رايح يدرس في باريس هيطلع شيف وابني عمره ما قالي بطلي رقص"

واختتمت كلامها قائلة "يمكن اكون أنا بنقيهم رجالة بجد فمبيستحملوش الرقص ومرة واحدة ست خطفت جوزي وقلت حسبي الله ونعم الوكيل"

لا يفوتك- ماجد الكدواني عن "بره المنهج": كنت باكل وأشرب وأنام مع الشخصية وهذه تفاصيل شخصيتي في "وقفة رجالة 2"