طه دسوقي: دخلت حقوق بسبب أحمد عز وشعري بيلف على نفسه لوحده

FilFan | فى سينما وتلفزيون

طه دسوقي

السبت , 18 ديسمبر 2021 - 20:45 | اخر تحديث: السبت , 18 ديسمبر 2021 - 20:45

حل الفنان طه دسوقي ضيفا على برنامج "ممكن نتعرف" المذاع عبر قناة Gossips بموقع يوتيوب، وتحدث خلال الحلقة عن بداياته في الستاند أب كوميدي، والكتابة للبرامج، ثم التمثيل، وأيضا عن حبه للشعر.

‎‎

أوضح طه دسوقي أنه لا يفكر في التوقف عن تقديم عروض الستاند أب كوميدي، ويتمنى أن يتعلم عزف العود، وهو مستمر في العزف على الجيتار الذي بدأ تعلمه خلال دراسته الجامعية.

وكشف طه دسوقي سبب دخوله كلية الحقوق، ونلخص في السطور التالية تصريحاته في البرنامج:

- دخلت حقوق لإني كنت لسه شايف فيلم "ملاكي إسكندرية"، وكان عاجبني قوي مرافعة أحمد عز. مكنتش فاهم ساعتها إني عايز أبقى ممثل.

- من عيوب شخصيتي إني متردد، باخد وأدي مع نفسي كتير حتى لو عشان أشتري تيشرت

- أنا مندفع لما أوصل مرحلة إن حاجة تضايقني، وساعات بتفلت مني

- مش بتضايق لما حد يقول اسمي طه الدسوقي، بس ده مش اسمي، ومش بحب "ال" التعريف عامة

‎‎

- أنا أصغر فرد في العيلة، وبابا الله يرحمه كان دايما ياخد صفي

- اتسألت كتير عن روتين شعري. أنا بديله فلوس وهو يصرف على نفسه، بغسله وهو بيلف على نفسه لوحده

- زمان مكنتش حابب إن شعري مش ناعم، فكنت بحلق خالص وأفرد شعري، لما سيبته ياخد قراره لقيته تمام

- نصيحتي للبنات عشان الشعر، نامي كويس واشربي ميه كتير

‎‎

- اتعلمت جيتار سنة 2009 في أولى جامعة عشان أقعد مع صحابي في الكورال، وبعد كده حبيته، واتعلمت منهم الأساسيات، بعد كده عن طريق يوتيوب

- ناوي أكمل في الستاند أب كوميدي، ونفسي الفن ده ياخد حقه في مصر زي برا

- الستاند أب كوميدي بالنسبالي زي العلاج، بقول اللي مضايقني قدام الناس ونضحك مع بعض

- بدايتي كانت ستاند أب كوميدي وبعدين اشتغلت كاتب برامج في "أمين وشركاه"، وبعدها بدأت أروح تجارب أداء وورش تمثيل

- سمعة إني بخسر في البلاي ستيشن غلط تماما، أنا مش لعيب بس بعرف أمثل إني لعيب

‎‎

- أنا اجتماعي بس مع البنات مش بفرض نفسي، لو إنت هتسلمي هسلم

- بحب الشعر جدا، العامية أكتر من الفصحى، وحبي بدأ لإن أبويا كان بيسمع حاجات شعر حتى الآن أنا بحبها

- "جوابات حراجي القط" لعبد الرحمن الأبنودي من أكتر حاجات الشعر اللي بحبها، وبحب الأغاني عشان كلماتها

- سميت قطتي "منال" لإن الدكتور سألني وده أول اسم جه على دماغي، ومع "زيكو" ابنها خدت وقتي مع الاسم

- "متولي" الموتوسيكل بتاعي كان أجدع أصدقائي واتسرق

- أنا مش طباخ شاطر بس بحب أطبخ وأشغل مزيكا، وعندي حل لو الأكل وحش، حطي عليه لمون

يذكر أن طه دسوقي عرض له مؤخرا مسلسل "موضوع عائلي" من بطولة ماجد الكدواني، محمد شاهين، رنا رئيس، طه دسوقي وسماء إبراهيم ومحمد رضوان، من تأليف محمد عز وكريم يوسف وأحمد الجندي وسامح جمال، ومن إخراج أحمد الجندي.

لا يفوتك: حلقة جديدة من برنامج «تحليل النعمات مع عمك البات» بيشرحلنا فيها أحمد نادر «المقامات الموسيقية»

اقرأ أيضا:

الجمهور وصفها بـ"الحرباية".. انتقادات لـ هدير عبد الناصر بسبب تنمرها على مايان السيد

عمرو سلامة عن موسيقى راجح داوود: شاهدت فيلم "برة المنهج" بعين جديدة كأنني لست مخرجه

مفاجأة.. حسام حبيب يتعاون مع نفس ملحن وموزع أغنية شيرين "خاصمت النوم"

شقيق سمية الألفي: عرفت إن عندها ورم سرطاني بالصدفة

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC