مصطفى فهمي: الحب بيخلص وبين أربع حيطان بيتحول لعشرة

FilFan | فى سينما وتلفزيون

مصطفى فهمي

الثلاثاء , 14 ديسمبر 2021 - 04:21 | اخر تحديث: الثلاثاء , 14 ديسمبر 2021 - 04:21

أوضح الفنان مصطفى فهمي أن مرحلة الرومانسية والهدايا والحب تكون في بداية الزواج، وبعدها تبدأ مرحلة العشرة، وهي المرحلة التي يتوقف عليها الاستمرار أو الانفصال.

وخلال استضافته في برنامج "الحكاية" الذي يقدمه الإعلامي عمرو أديب عبر قناة MBC مصر، وردا على سؤال عن سبب تحول الحب إلى عداء وانفصال مؤلم، قال مصطفى فهمي: "مش كفاية الهدايا، لازم تجيب هدايا أكتر، وبعد شوية في حاجات تانية لازم تتجاب."

‎

وأضاف: "هو كان حب، بس الحب في الجواز بيتحول لعشرة، وإنت بتكتشف اللي قدامك في عشرته مش في الحب. الحب خلص في الجزء الأولاني ويا حياتي ويا روحي وأنا تحت أمرك، لما تدخل في الحياة بين أربع حيطان تبتدي تبقى عشرة، يا عشرة حلوة يا عشرة وحشة، يا تقدر تستحمل وتكمل يا متقدرش تستحمل وتكمل."

‎

وتابع: "أول ما بتقول مش قادر أكمل يبتدي عليك الهجوم، ليه أكمل في حياة أنا مش مبسوط فيها؟ الحياة وصلت بيني وبين الشخص اللي قدامي لخناقات مستمرة لا تنتهي، أروح بيتي مكتئب ليه؟ وفي طرف تاني مش عايز يسيبك، وتحاول تتفاهم ميحصلش تفاهم."

يذكر أن مصطفى فهمي انفصل مؤخرا عن زوجته السابقة الإعلامية اللبنانية فاتن موسى، وشرح خلال لقائه في البرنامج أن الخلافات بينه وبين زوجته لم تكن وليدة اللحظة بل تراكمات أدت إلى الانفصال.

لا يفوتك: "تحليل النغمات مع عمك البات" يكشف لنا لماذا الفنانة الإماراتية اليمنية بلقيس ظاهرة تستحق الدراسة؟

اقرأ أيضا:

طلعت حرامي غسيل.. مصطفى فهمي يرد على اتهام طليقته بسرقة ملابسها (فيديو)

نادين نجيم توضح حقيقة اعتذارها عن الجزء الثاني من "2020" بسبب خلافها مع قصي خولي

كفاية ستات وجواز..مصطفى فهمي يكشف نصيحة متبادلة مع شقيقه

أحمد فهمي يتعاقد مع السبكي لتقديم فيلم "مستر إكس"

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC