الملخص - محمد ممدوح في "التاسعة": "أبو صدام" مش فيلم مهرجان وقلدت حيوان وأنا بمثل

FilFan | فى سينما وتلفزيون

محمد ممدوح

الاثنين , 13 ديسمبر 2021 - 05:40 | اخر تحديث: الاثنين , 13 ديسمبر 2021 - 05:40

حل الفنان محمد ممدوح ضيفا على برنامج "التاسعة" الذي يقدمه الإعلامي يوسف الحسيني عبر القناة الأولى المصرية، وذلك بعد حصوله على جائزة أفضل ممثل عن دوره في فيلم "أبو صدام".

كشف محمد ممدوح رأيه في الشخصية التي قدمها، وملامح من حياة سائقي التريلا، الذين جسد شخصية أحدهم في الفيلم، وتحدث عن بعض أعماله، ونلخص تصريحاته للبرنامج في السطور التالية:

- سواقة التريلا كانت صعبة في الأول بس اكتشفت إنها ممتعة

- بعد الجايزة أنا سايبها على ربنا، بعمل الحاجة اللي حاسسها وبحبها

- "أبو صدام" كانت شخصية جديدة غنية ومليانة تناقضات

- متوقعتش "أبو صدام" يدخل المهرجان والجايزة لكل اللي ساهموا في الفيلم

- معملناش "أبو صدام" للمهرجانات، عملناه عشان صناعة وحاجة حابينها ومتحمسين لها

- أحمد داش عمل دور عظيم في شخصية تبّاع "أبو صدام"

- أعتقد إن من أهداف الفن يخلي الناس دماغها تشتغل

- أكتر واحدة تعبت في الفيلم المخرجة نادين خان

- عشان نقنع أسطوات تريلا كبار إن ست هي اللي بتقود الفيلم ده خد وقت ومجهود

- سواقين التريلا قوانينهم قاسية، وبيقعدوا على الطريق بالـ 20 يوم

- لجأنا لمنهج تقليد حيوان في "تراب الماس" وشخصيتي شبه الدب

- عايز أعمل مسرح على مزاجي وبطريقتي

- مسرح الارتجال حاجة وإنك تهزر مع واحد صاحبك على المسرح حاجة تانية

- في دماغي مشروع مسرح محتاج مساحة جراج الأوبرا

- أنا جلاد نفسي ومبحبش أشوف شغلي أو أحضر العرض الخاص

- في ناس اتكلمت على مخارج ألفاظي، بعالج ده ويا رب أتطور أكتر

- قابلت سمير غانم في عزا وكنت عايز أبوس دماغه، وقابلته "مرة أون لاين"

يذكر أن محمد ممدوح فاز بجائزة أحسن ممثل عن دوره في فيلم "أبو صدام"، الذي شارك ضمن عروض المسابقة الدولية لمهرجان القاهرة السينمائي الـ 43.

وعرض "أبو صدام" لأول مرة عالميا ضمن عروض المسابقة الدولية بالمهرجان، وهو من إخراج نادين خان، وإنتاج مصر، ومدته 89 دقيقة.

وتدور أحداث الفيلم حول سائق شاحنات قديم صاحب خبرة يدعى "أبو صدام"، يحصل أخيرا على مهمة نقل على طريق الساحل الشمالي بعد انقطاع عن العمل دام لسنوات، ويقرر أن ينجز مهمته على أكمل وجه كما يليق بسمعته لكنه يتعرض إلى موقف صغير على الطريق فتخرج الأمور عن سيطرته.

لا يفوتك: "تحليل النغمات مع عمك البات" يكشف لنا لماذا الفنانة الإماراتية اليمنية بلقيس ظاهرة تستحق الدراسة؟