كندة علوش ومي كساب والنجوم يوجهون رسائل دعم إلى شيرين عبد الوهاب: قمر بكل حالاتك

نهال ناصر | فى حياة المشاهير

كندة علوش وشيرين عبد الوهاب ومي كساب

السبت , 11 ديسمبر 2021 - 14:25 | اخر تحديث: السبت , 11 ديسمبر 2021 - 14:25

حرص عدد كبير من النجوم على توجيه رسائل دعم إلى الفنانة شيرين عبد الوهاب بعد ظهورها في حفلها الأول بعد طلاقها وهي حليقة الشعر.

وعبر حساباتهم في مواقع التواصل الاجتماعي أكدوا دعمهم لشيرين وثقتهم في أنها ستكون قوية وتعود لجمهورها وفنها.

نرشح لك: شيرين عبد الوهاب: أنا عملت كل حاجة تخليني أموت لكن ربنا مش عايزني (تسجيل صوتي)

الفنانة كندة علوش كتبت لها قائلة: "أنت قمر بكل حالاتك.. وزادت حلاوتك وتعملي اللي يعجبك طالما مش بيضر حد وحشتينا وكلنا منتظرين جديدك والأهم.. تكوني مرتاحة وفرحانه".

فيما كتبت لها مي كساب: "يا شيرين قابلينك وفاهمينك واللي مش فاهم مش مهم يفهم مش مضطره تبرري بس ردي على التليفون عشان وحشتيني يا بنت عاوزه أسمع صوتك وبعدين شعرك بيطول بسرعة إحنا عارفين المهم إنك ارتاحتي يا أختي العزيزة".

ونشر الفنان أحمد فهمي صورة جديدة لشيرين وكتب لها "قمر".

‎ ‎صورة‎

أما مصطفى درويش فأكد لها أن الجمهور يحبها وكل شيء تعاني منه الآن سيمر وينتهي.

‎ ‎صورة‎

فيما طلبت مروة ناجي من الجمهور أن يساندها ويقف بجانبها قائلة: "الجمهور المفروض لو لقى شيرين تعبانه يساندها ويقف جنبها مش يتريق عليها، شيرين دى اللى بصوتها وإحساسها فرحت كل بيت وواضح جدا انها بتمر بتجربة صعبة ،وهى دلوقتى محتاجة دعم كل الناس اللى بتحبها ونقولها بنحبك وبنموت فيكى يا شيرين، وانتى مازلتى وهتفضلى صوت مصر ومهما حصل هتفضلى بردو".

‎ ‎صورة‎

ونشرت أيضا منة فضالي صورة لشيرين عبد الوهاب وكتبت لها: "انتي جميلة في كل حالاتك الصوت الأصيل المصري الجمال المصري كلنا بنحبك انتي شرين عبد الوهاب".

‎ ‎صورة‎

فيما وجهت الإعلامية ريهام سعيد رسالة دعم لها قالت فيها: "أنتي عملتي كده لأن عندك اكتئاب أو هو عمل كده مش فارقة لأنه كان امبارح وعدى خلاص وكل جرح بيخلينا أقوي اللي وصل لي قوتك كان ممكن تلبسي باروكه أنتي طلعتي غنيتي وبره مصر وقدرتي تبتسمي حتي لو مش ابتسامة حقيقيه وقدرتي تغني وقدرتي تواجهي العالم كله، لأنك شيرين عبد الوهاب وأنتي أكتر واحدة عارفة مين شيرين عبد الوهاب عشان كده كنت دائما أدافع عنك سيدتي أحييكي علي قوتك اللي هي كل جمالاك وعلى فكرة شكلك برضوا زي القمر بحبك".

‎ ‎صورة‎

ووجهت سمية الخشاب نصيحة إلى شيرين عبد الوهاب قائلة: "شيرين الاحساس والابداع كلنا بنحبك وبنعشق صوتك واحساسك يلا بقي عايزين أغاني تكسر الدنيا كالعاده، اللي فات مات بكرا أحلي وأجمل وأرجوكي بقي حبي نفسك وقدريها وخافي عليها ودلعيها لأنها تستحق".

‎ ‎صورة‎

وكانت شيرين عبد الوهاب فاجأت جمهورها خلال حفلها الغنائي الأول بعد طلاقها من حسام حبيب والذي أحيته في أبو ظبي مساء الجمعة 10 ديسمبر، بظهورها حليقة الرأس.

‎ ‎صورة‎

ووجهت شيرين عبد الوهاب تحدي للنجمة أصالة على المسرح قائلة: "أتحدى أصالة مش هتقدر تعمل كدة"، وأشارت إلى رأسها، شاهد

وردت شيرين عبد الوهاب على الأخبار المتداولة حول تورط زوجها السابق الفنان حسام حبيب في حلاقة شعر رأسها، وكتبت عبر حسابها في Twitter: "ليه ميكونش لوك جديد، ليه ميكونش تغيير، ليه ميكونش أنا اللي عملت كدة حتى لو عندي اكتئاب ؟ ليه فرضتوا السيء والأسوء وظلمتوا شخص بريء وظلمتوني".

‎ ‎صورة‎