ياسمين عبد العزيز: أجريت عملية "أكياس الشيكولاتة" 5 مرات.. ومشفتش يوم حلو بعد "اللي مالوش كبير"

محمد أحمد | فى حياة المشاهير

ياسمين عبد العزيز

الأربعاء , 8 ديسمبر 2021 - 23:12

حلت الفنانة ياسمين عبد العزيز ضيفة على الإعلامية منى الشاذلي ببرنامج "معكم" على قناة "cbc"، في أول ظهور لها بعد محنة مرضها وعلاجها في الخارج.

وقالت ياسمين عبد العزيز: "أجريت عملية (أكياس الشيكولاتة) على المبيض 5 مرات وأول مرة عملتها كان عندي 16 سنة ودي حاجة بتاعة ربنا فيا وأتعايش معايا لدرجة الدكتور قالي مستحملة الألم دا إزاي".

نرشح لك - OnTimeSports تحصل على حقوق بث مباراة مصر والأردن بكأس العرب

وأضافت: "روحت لجوزي أحمد العوضي قولتله هعمل العملية بعد مسلسل (اللي مالوش كبير) اللي من بعده مشوفتش يوم حلو وأصبت مرتين بفيروس كورونا".

وتابعت: "من أول العملية لحد العناية المركزة كنت في شبه غيبوبة مش بتكلم ولا بمشي ولا بقعد وأنا في العناية كان في حاجة غريبة مش فاكرة حاجة ومش بسأل عن حاجة غير إيه اللي حصلي وكل لما أنام يجيلي نفس الكابوس فقررت إني مش هنام".
وكانت ياسمين عبد العزيز أعلنت في بداية شهر سبتمبر تعافيها ووجهت رسالة إلى جمهورها وأصدقائها قالت فيها: "جمهوري الغالي في مصر والوطن العربي وحشتوني جدا الحمد لله انا بقيت كويسه وتعافيت الحمد لله عاوزاكم تتطمنوا رغم كل الصعب اللي مريت بيه في أزمتي الاخيرة، إلا إن سؤالكم ودعمكم هو اللي كان بيهون عليا كل اللحظات المره اللي عدت عليا .. وكفايه اني اقولكم اني حقيقي شفت الموت وكان قريب جدا .. لكن بفضل الله وبفضل دعواتكم الجميله الصافيه وبفضل وقوفكم جنبي بقلبكم وبحبكم وبنيتكم الطيبه ربنا استجاب لدعواتكم وربنا كرمني وعديت المحنه علي خير الحمد لله"، لمعرفة رسالتها كاملة من هذا الرابط

وبدأت أزمة ياسمين عبد العزيز الصحية منتصف يوليو الماضي، عندما أعلن الفنان أحمد العوضي خضوعها لعملية جراحية وطالب جمهورها بالدعاء لها.

وكان أحمد العوضي قد أعلن اعتزامه اتخاذ الإجراءات اللازمة ضد المتسبب في الأزمة الصحية الأخيرة لزوجته ياسمين عبد العزيز، وأوضح عبر حسابه على Facebook أنه سوف يكشف لاحقا عن تفاصيل الأزمة، لمعرفة تفاصيل ما كتبه

لو فاتك: #شرطة_الموضة: الإطلالات الأجمل والأسوأ في ختام #مهرجان_القاهرة_السينمائي في دورته الـ 43