صوتي عاجبني ومخي عطلان من كتر الديون ..حمو بيكا يرد على قرار منعه من الغناء (فيديو)

مروة لبيب | فى موسيقى وحفلات

حمو بيكا

الأربعاء , 17 نوفمبر 2021 - 22:39 | اخر تحديث: الأربعاء , 17 نوفمبر 2021 - 22:42

رد مغني المهرجانات حمو بيكا على قرار منعه من الغناء بعد رسوبه في اختبارات نقابة الموسيقيين للمرة الثانية.

وعبر حمو بيكا عن استيائه من هذا القرار مشيرا إلى أن قرار إيقافه عن الغناء سيؤثر بالسلب على جميع من يعملون معه موجها رسالة حب للفنان هاني شاكر نقيب المهن الموسيقية.

ونرصد لك تصريحات حمو بيكا حول قرار منعه من الغناء:

-أنا فرحــان وسعيــد لأنى بسمــع نفـس القـرار بقالى 5 سنين.. اتكلمت كتير وتعبت واتعملى قضايا ومحاضر.. أنا معايا ناس فاتحة بيوت كتير.

-ناس كتير لا تصلح للغناء وبيغنوا ومعاهم كارنيه النقابة.. مش هقول أسماء عشان دول صحابى وواكلين مع بعض عيش وملح.

-صوتى عاجبنى وعاجب الناس وبيسمعونى خدوا رأيهم قرار الوقف.. لو مش عايزينا نبطل غنا.

-لو أنا مكلتش هنا عيش انا هطلع بره بلدي وهاكل عيش.. يعني أنتم كدا بتقولونا ملكمش أكل عيش معانا.

-أنا ببقى نايم ومخي عطلان من كتر التفكير في الديون اللي عليا.

-أنا اشتغلت وكافحت وشقيت ودخلت أماكن كان نفسي أدخلها من زمان، واتعرفت علي ناس نضيفة وكويسة، وكنت بحمد ربنا علي نعمه عليّ، ليه توقفوني؟

-احنا لينا جمهور في أمريكا وإيطاليا وتونس وليبيا وكل بلد فيها جاليات مصرية وعربية لينا جمهور فيها.

-دخلت الامتحان وغنيت عدد من أغنياتي، بس سقطوني رغم تقدمي بصحيفة الحالة الجنائية اللي خلت من أي سوابق جنائية

-حسبى الله ونعم الوكيل في كل واحد كان سبب في قطع عيشنا.

-إنتوا بتقولوا لينا إننا ملناش أكل عيش في بلدنا يعني؟ ممكن أطلع برة بلدي وآكل عيش بس لأ، دي بلدنا اللي بتشرف بيها، وإحنا مش بنعمل حاجة غلط، إحنا بنشتغل.

-حابب أقول للفنان هاني شاكر إحنا بنحبك واعتبرنا زي ولادك لازم تساعدنا مش تحاربنا، إحنا مش صراع ولا حرب ليه الناس برة بتتفرج علينا كدة؟.

-قرار منعي من الغنا هيأثر عالناس اللي شغالة معايا وأسرهم .