الملخص - ياسمين رئيس مع عمرو أديب..صعوبات واجهتها في "60 دقيقة" وعلاقتها بدينا الشربيني

FilFan | فى سينما وتلفزيون

ياسمين رئيس

7 نوفمبر 2021 | اخر تحديث: الأحد , 7 نوفمبر 2021 - 03:11

حلت الفنانة ياسمين رئيس ضيفة على الإعلامي عمرو أديب في حلقة السبت من برنامج "الحكاية" المذاع عبر قناة MBC مصر، وتحدثت خلال اللقاء عن دورها في مسلسل "60 دقيقة" و"ملوك الجدعنة"، وعلاقتها بالفنانة دينا الشربيني، وذكرياتها مع الفنانة الكبيرة الراحلة دلال عبد العزيز، ونلخص تصريحاتها في السطور التالية:

- أضفت كلمات لدوري في "60 دقيقة" زي يا حيوان ويا مقرف، كل ده مكانش مكتوب

- في مشاهد تعبتني، والتعب النفسي بيأثر علي عضويا من غير ما آخد بالي أو أحس

- عملت دوري في "60 دقيقة" وأنا حاسة إن كل حاجة سودا والدنيا ضيقة

- جوزي أكتر واحد بياخد باله لما أعمل شعري، شغله كله مع ستات، وزوقه حلو في كل حاجة

- ابني الصغير لو عملت أي حاجة في شعري مهما كانت بياخد باله، وباباه بيقوللي بينصب عليكي

- في ستات قلبها في ودنها، لازم تقول كلام حلو طول الوقت، وطول الوقت تاخد بالك من أي حاجة في شكلها، لكن الكلام لوحده مش كفاية

- أنا ودينا الشربيني صحاب من زمان جدا من قبل التمثيل، دينا أختي ووقفت جنبي في جوازي ووفاة أمي

- مش عايزة أحس إن مهنتي ممثلة، عايزة أحس إن أنا بمارس هوايتي

- أنا ست بيت وبعدين ممثلة، مهنتي الأصلية ست بيت وأم

- كل خمس سنين مثلا أحس إني بتغير وتفكيري بيتغير

- زمان أول ما ابتدت السينما كانوا بيقولوا إن الحلاوة مهمة، بس مع الوقت كل حاجة اختلفت، إزاي تبقى شبه الناس

- شوفت وعاشرت البنت الشعبية، وطول عمري بركز قوي مع الناس

- البنت الشعبية في "ملوك الجدعنة" مختلفة عن شخصية شعبية عملتها في حاجات تانية زي "طرف ثالث" أو "فتاة المصنع"

- دلال عبد العزيز ست لا تعوض. عاشرتها وقت تصوير "ملوك الجدعنة"، وطول الوقت كانت بتفكرني بماما الله يرحمها

اقرأ أيضا:

الملخص- حنان في "نص الكلام": لبست الحجاب 5 سنين وصحيت من النوم على خبر وفاة زوجي

#شرطة_الموضة: بسمة بفستان بنقوش فرعونية في ختام مهرجان قرطاج السينمائي

فيلم "ريش"يحصد الجوائز في مهرجان "قرطاج السينمائي"

رقص مريم الخشت وإطار زمني مختلف.. 5 ملاحظات على الإعلان التشويقي لفيلم "ريستا"