مشادة كلامية بين محمود الليثي وبلوجر مصرية: الفنان بينفع الناس وانتوا لأ

مروة لبيب | فى حياة المشاهير

مريم سيف ومحمود الليثي

الثلاثاء , 5 أكتوبر 2021 - 23:36 | اخر تحديث: الأربعاء , 6 أكتوبر 2021 - 00:02

خلال الساعات الماضية.. نشبت مشادة كلامية بين الفنان محمود الليثي والبلوجر مريم سيف بسبب منشور لليثي يصف فيه مشاهير مواقع التواصل الاجتماعي بأن ليس لديهم مهنة حقيقية بعد تعطل معظم التطبيقات مساء أمس.

لترد البلوجر مريم سيف على منشور الليثي عبر خاصية القصص المصورة بحسابها على Instagram، وكتبت "معلش يا أستاذ محمود الفاضل وأنت كنت إيه لما طلعت واللي شهرك اليوتيوب وبعدها بقيت ممثل؟.. وبعدين متنساش إن الممثلين دلوقتي لما بينطفوا مرة مبيرجعوش تاني وأنت شغلانتك إيه؟ مش قدام الكاميرا زينا ولا إيه؟ ولو الكهربا قطعت بتنطفو أنتو كمان ولا إيه النظام؟

نرشح لك: يسرا ردا على انتشال التميمي مدير "الجونة السينمائي": تكررت كثير من المواقف السلبية معي لكن خطأكم الأخير لا يمكن السكوت عنه

وأضافت "قالك أنفلونسر مش شغلانة ع الأقل احنا لينا نفع عنكم والله.. طب خلي ممثل كبير يتكلم طيب يا جدع مش كده.. أنا قولت محمود حميدة بيتكلم مثلًا اتخضيت لما لقيته محمود الليثي.

ليقرر محمود الليثي الرد عليها عبر خاصية القصص المصورة بحسابها على Instagram، قائلا "بصي يا أستاذة ياللي مش عارفك أولًا أنا مغلطش فيكي لشخصك وأنت غلطي فيا.. ثانيًا أنا ليا أصحاب كتير أنفلونسر وأشهر منك بمراحل أخدوا الموضوع بهزار عادي دا لأن فعلًا دي مش شغلانتهم الأساسية.. ثالثًا لو أنت شايفة إن الممثل مش بينفع الناس وأنت بتنفعيهم فدا قلة فهم منك ودا مش هلومك عليه عشان دي حاجات مينفعش نشتريها.. بنتولد بيها.

وتابع الليثي "رابعًا كونك تقول دا مكنش معاه 10 جنيه يركب مترو وتتريقي على دا.. فدا مصدر فخر ليا إني كنت أمل لشباب كتير إنهم يبدأوا من الصفر وينجحوا.. ورحلة كفاح انبسط إن الناس تعرفها.. خامسًا الفن دا مهنة زيه زي الطب والهندسة ولو حضرتك بتقرأي في التاريخ هتعرفي إنه موجود من يوم ما اتوجدت الحضارة وغير شعوب، عمل ثورات مش مرتبط بالكهرباء زي ما بتقولي.

وأضاف "وأخيرًا لو الأستاذ محمود حميدة شاف كلامك دا كان هيخليكي تعتذري للفن والفنانين كلهم اللي بتقللي من دورهم وكان هيفهمك ازاي تتكلمي بأسلوب راقي عن كدا.

يذكر أن محمود الليثي شارك في السباق الرمضاني الماضي بمسلسل "بين السما والأرض" مع هاني سلامة، درة، سوسن بدر، محمد لطفي، ندى موسى وغيرهم نخبة من نجوم الفن. المسلسل مأخوذ عن قصة الأديب العالمي نجيب محفوظ ومن سيناريو وحوار إسلام حافظ ومن إخراج محمد جمال العدل.

لا يفوتك: رامي عاشور لـ FilFan.com: أبحث عن شخصيتي الفنية.. وعمرو دياب مثل أعلى.. ونيللي كريم دعمتني

اقرأ أيضا:

ميرهان حسين بالحجاب في أحدث ظهور لها في السعودية (صور)

بليغ حمدي قائد أغاني حرب 6 أكتوبر ... دخل الإذاعة بأمر من الجهات العليا وسجل "بسم الله وعلى الربابة" يوم العبور

نبيل الحلفاوي يفضل هدف محمد صلاح على أعظم أهداف مارادونا لهذا السبب

عمرو دياب يتصدر تريند يوتيوب بعد طرح برومو "حلو التغيير"