محمد يحيى يكشف الكواليس الصعبة لأغنية عمرو دياب "أحلى ونص"

محمد سلطان محمود | فى موسيقى وحفلات

عمرو دياب

الثلاثاء , 20 يوليو 2021 - 20:03 | اخر تحديث: الثلاثاء , 20 يوليو 2021 - 20:05

كشف الملحن محمد يحيى عن كواليس صناعة أغنية "أحلى ونص" للفنان عمرو دياب.

أوضح محمد يحيى أنه لن ينسي أغنية "أحلى ونص" بسبب الظروف المحيطة بتأليفه للحنها، أثناء إصابته بفيروس كورونا.

نرشح لك- رسالة شكر للنساء واستعراضات مبهرة ... 10 ملاحظات على مسرحية "كوكو شانيل"

كتب يحيى عبر صفحته على Facebook وحكى التفاصيل: "أحلي ونص دي من الأغاني اللي هتفضل كواليس تلحينها في خيالي دايما عارفين ليه؟".

أوضح: "بصوا أنا من شهرين جالي أصعب دور كورونا تقريبا، كان هيقضي عليا وأنا بطبعي مبحبش أكتب عن أي حاجة سلبية، يعني جاتلي كده وأنا مش معرف حد".

أضاف محمد يحيى: " في اليوم الخامس من الكورونا يعني في عز المعمعه والتعب لقيت عمرو دياب بيكلمني بيقولي أيمن بعتلوا موضوع كلام حلو، سمعني الكلام وأقسم بالله حرفيا كنت بموت من التعب، قلت لعمرو الكلام رهيب وأنا عندي كورونا بس الأعراض خفيفة هقوم اشتغل".

تابع: " وفعلا قفلت مع عمرو وقاومت وقمت من علي السرير وصوتي مش طالع مسكت جيتاري ولحنتها، وطلعت وان شوت، بعدها بنص ساعة اتصلت بعمرو سمعها، طار وقالي تحفه عشان كده مش هنسي ظروف تلحينها".

أشار يحيى: " خلاصة الكلام الأسرارعلي النجاح ده دافع أوقات بيكون أقوي من أي ظروف، طبعا أنا مش قصدي بالحكايه دي أني أقول أني بطل العالم والجو ده، أنا بس من فرحتي بالأغنية دي عشان قد أيه وأنا بعملها كنت خايف من الكورونا قوي النهاردة لما سمعتها حسيت بيها حبيت أعرفكم".

اختتم محمد يحيى حديثه عن أغنية "أحلى ونص" موضحا: " معلومة مهمة، عمرو دياب في عز الكورونا كان كل يوم يحفزني ويقولي متخافش مش هسيبك، أنا عايز أشكره وأقولك مبروك يا هضبة".

لا يفوتك... صعب وممتع وتقيل والسينما محتاجه له .. ماذا قال أبطال فيلم "العارف" عن أدوارهم وتوقعاتهم للفيلم؟

اقرأ أيضا:

نسرين طافش تحتفل بالعيد مع عائلتها في هولندا

بالأصفر ... نسرين أمين في جلسة تصوير جديدة احتفالا بعيد الأضحى (صور)

"الأبطال الحقيقيون لا يصعدون إلى المسرح" ... رسالة شريهان لصناع مسرحية "كوكو شانيل"

بسبب ياسمين عبد العزيز ... مي عز الدين تعود للتواصل مع جمهورها