بعد مشاركته في "خلي بالك من زيزي".. على الطيب يوجه رسالة للآباء

نادين يوسف | فى حياة المشاهير

علي الطيب

السبت , 5 يونيو 2021 - 11:04 | اخر تحديث: السبت , 5 يونيو 2021 - 11:04

شارك الفنان على الطيب في مسلسل "خلي بالك من زيزي" والذي عرض في شهر رمضان الماضي، جسد الطيب في المسلسل شخصية (وليد) والد الطفلة تيتو والذي يكتشف أنها تعاني من مرض فرط الحركة وتشتت الانتباه.

نرشح لك: بعد ساعات من وفاة حماتها.. نانسي عجرم تحيي حفلا خاصا بـJumpsuit أسود.. صور وفيديو

قدم على الطيب رسالة للآباء من خلال صفحته الرسمية بموقع التواصل الاجتماعي أنستجرام، وقال فيها "وليد لما عرف أن تيتو بنته عندها ADHD، وليد زي أي أب بيكون مش مستوعب في البداية أن ابنه أو بنته عندهم سواءً ADHD أو ASD ومش عيب أنك متبقاش عارف أو مش فاهم المشكلة"

وأضاف الطيب قائلًا "بس مجرد ما تفهم المشكلة وتحاول تأهل نفسك كأب أو كأم أن عندنا رحلة جديدة بنظام مختلف علشان خاطر ابننا أو بنتنا هيفرق كتير معاهم وهتلاقوا نتيجة وتطور والاهم تاخدوا بالكم وتتعبوا شوية اكتر في انكم تلاقوا المكان والأشخاص الصح مش اللي بيتاجروا بالموضوع دة علشان في زحمة السوشيال ميديا للآسف معدومين الضمير والفشلة كتير وبيعملوا حملات اعلانية مزيفة ويستغلوا شغف الأهالي أن ابنهم هيتعالج"

تابع الطيب قائلًا "زي ما مكتوب في الكومنتات المزيفة أن مثلا ابني كان عنده توحد وبعد شهر لما جيت المركز الفلاني خف وبقى زي الفل، اتقوا الله وافهموا المعاناة اللي الطفل عايشها وكمان اهله"

واختتم كلامه قائلًا "ربنا يحفظ اولادنا وبناتنا ويحميهم ويجعلهم خلف صالح"

الجدير بالذكر أن مسلسل "خلي بالك من زيزي" دارت أحداثه عن معاناة مرضى فرط الحركة وتشتت الانتباه ، المسلسل من بطولة أمينة خليل، محمد ممدوح، على قاسم وغيرهم نخبة من النجوم. "خلي بالك من زيزي" من تأليف ورشة كتابة تحت إشراف مريم نعوم ومن إخراج كريم الشناوي.

اقرأ ايضًا:

شاعر ومطربة يتهمان غالية بن على بسرقة مطلع أغنية "تتر فيلم مصري"

#شرطة_الموضة: هيفاء وهبي أنيقة بفستان مميز في أحدث جلسة تصوير

عمرو دياب يغني في حفل زفاف نجل رجل الأعمال محمد أبو العينين - صور

عمرو أديب يهاجم محمد رمضان: دي فلوس الراجل اللي مات يا مفتري