الملخص- نيللي في "مساء dmc": ضيعت نص عمري في الخيال وهذه الفنانة الأنسب لتقديم الفوازير

نهال ناصر | فى حياة المشاهير

نيللي

بعد غياب طويل، أطلت الفنانة نيللي على جمهورها في لقاء مع برنامج "مساء dmc من تقديم رامي رضوان.

وخلال اللقاء استعادت نيللي ذكريات تقديمها للفوازير التي أمتعت بها الجمهور على مدار سنوات عديدة.

وفي نقاط نستعرض أبرز تصريحات نيللي في البرنامج:

- أكتر سؤال بتسأله ليه مش برجع للتمثيل، وفي مثل بيقول "يا بخت من زار وخفف" وأنا عاوزة أبقى خفيفة على الجمهور.

- الفن في عروقي أنا مثلت من وأنا عندي 3 سنين، الفن جوايا بس كفاية قدمت حاجات وخلاويص.

- قبل التكنولوجيا، كنا علشان نعمل خدعة في الفوازير أقف قصاد الكاميرا 8 ساعات علشان تعديل الصورة لمشهد 15 ثانية.

- الفوازير أحلى أيام عمري، رغم التعب في الشغل ومكنتش بنام بس على قلبي أحلى من العسل.

- دنيا سمير غانم الوحيدة اللي أشوفها تقدر تعمل الفوازير.

- وقت رمضان كنت دايما مشغولة في التصوير لحد آخر يوم، مع أننا بنبدأ التحضير قبلها بـ6 أشهر.

- رمضان بالنسبة ليا تليفزيون بفضل أتفرج على المسلسلات، لأني طول السنة مش بتفرج غير على البرامج الحوارية.

- أنا دقيقة جدا في كل حاجة بعملها.

- صلاح جاهين هو اللي عرض أنه يقدم الفوازير معايا، وكانت من أنجح الحاجات اللي قدمتها.

- في مرة في التصوير وقعت في البويا وكملت تصوير عادي على أني وقعت، ومحتفظة لحد دلوقتي بالملابس، ومرة الديكور كله وقع عليا ومرة شعري اتحرق.

- أنا على طول متفائلة وحاسة برضا، والرضا هو اللي بيجيب السعادة.

- ضيعت نص عمري في الخيال، أنا خيالية أوي وبشوف أي حاجة بتمناها في الخيال.

- أنا إنسانة عاطفية وحظي وحش في الحب.

- أكتر فيلم بحبه "العذاب امرأة" لأن الدور مكنش لايق عليا وأنا اللي أخترته ودخلته بتحدي.

- طوال تصوير فيلم "العذاب امرأة" أنا ومحمود ياسين مكناش بنكلم بعض كان واخد موقف أني بعمل الدور ده، بس في الآخر اتصالحنا.

- اشترطت لموافقتي على فيلم "العذاب امرأة" أن يضاف مشهد أكون سبب إعادة الذاكرة للبطل.

- ندمت على أفلام كتير قدمتها لكن لا أتذكرها الآن، بسبب أنني لم أقدم الدور بشكل جيد أو أن العمل بأكمله لم يكن جيدا.

أحصل على التطبيق

FilFan.com يتم تطويره و ادارته بواسطة إعلن معنا