بعد دخولها مستشفى العزل.. محمد كارتر يدعو لوالدته: أصعب إحساس إنك تسيب أمك

ولاء مطاوع | فى حياة المشاهير

محمد كارتر

7 أبريل 2021 | اخر تحديث: الأربعاء , 7 أبريل 2021 - 15:04

كشف المنتج محمد كارتر عن ضيقه وحزنه بسبب إصابة والدته بفيروس كورونا المستجد، ونقلها لأحد مستشفيات العزل.

ونشر كارتر عبر حسابه على Instagram صورة من المستشفى وكتب: "اصعب احساس ممكن الإنسان يحس بيها وقت دخول مستشفى العزل وانت رايح تسيبلهم امك احساس بفقدان الحياة ليك ولامك احساس بالوداع ساعتها بتشوف شريط حياتك بيعدي قدام عينك في لحظة بتشوف وهي واخداك من ايدك اول يوم مدرسة بتشوف وهي بتحرم نفسها من متع الحياة علشان انت تلبس كويس وتتعلم كويس وتاكل كويس بتشوف ضحكتها في وقت فرحك بتشوف دموعها في وقت حزنك".

تابع: "بتشوف روحك بتتسحب منك بمجرد ما تدخل طرقة مكان العزل لأن ساعتها بتحس انك في فيلم رعب ودوامة احساس بالغرق في البحر نفسك بيتقطع بتشم ريحة الموت حواليك بعد شوية بتفتكر إن كل ده بسبب لحظة إهمال انك تاخد بالك من نفسك ومن اللي حواليك ارجوكم اضغطوا علي امهاتكم وبالذات كبار السن مينزلوش الشوارع ميتعملوش مع حد ولا دليفري ولو اصعب الظروف هاينزلو يلبسو الكمامة وميسبوش الكحول من ايدهم تعالوا علي نفسكم واشتروا انتو طلبات البيت وتتعقم كويس اغلب امهاتنا عايشين علي طبيعتهم ومحدش بيعقم حاجة".

واختتم داعيا: "اللهم إني أسألك من عظيم لطفك، وكرمك، وسترك الجميل، أن تشفي امي وتمدها بالصحة والعافية لا ملجأ ولا منجا منك إلّا إليك إنك على كل شيءٍ قدير".

نرشح لك- شيماء سيف تثير الجدل حول انفصالها عن زوجها محمد كارتر

يذكر أن أنباء قوية تتردد حول انفصال محمد كارتر عن الفنانة شيماء سيف، بعدما حذفت الأخيرة جميع الصور التي تجمعهما بمفردهما معا عبر Instagram، كما ألغيا متابعة بعضهما البعض.

اقرأ أيضا:

حكم نهائي - إلزام محمد رمضان بتعويض 6 ملايين جنيه للطيار أشرف أبو اليسر

عمل مع عادل إمام... مخرج معروف يضطر للعمل سائق "أوبر" .. هذه قصته!

أول تعليق من كندة علوش على أزمة عمرو يوسف ومسلسل "الملك"

أنغام ترد على اعتذار أصالة: كلنا بنغلط