أيمن بهجت قمر يكشف كواليس أغنية شيرين الجديدة: بكتب أغنية للأم وأمي بتتخانق معايا

محمد سلطان محمود | فى حياة المشاهير

شيرين عبد الوهاب

الأحد , 21 مارس 2021 - 19:01 | اخر تحديث: الأحد , 21 مارس 2021 - 19:01

كشف الشاعر أيمن بهجت قمر عن كواليس كتابته لأغنية "هي الدنيا" التي قدمتها شيرين عبد الوهاب احتفالا بعيد الأم.

أوضح أيمن بهجت قمر عبر حسابه على Facebook، أن والدته كانت غاضبة منه أثناء كتابته للأغنية، وأثناء جلوسه في الأستوديو مع شيرين وحسام حبيب وعمرو مصطفى، تلقى رسالة من أخوه يبلغه أن والدتهما غاضبة وأنه يجب أن يتصل بها ليصالحها، وليجيبه أنه سوف يفعل ذلك بعد الانتهاء من عمله.

نرشح لك- اليوتيوبر مي ماهر وزوجة لاعب في الأهلي تهاجمان مفيدة شيحة: طردتنا من الاستديو (فيديو)

كتب بهجت قمر: "المشهد ده وإحنا قاعدين في الأستوديو بنعمل أغنية هي الدنيا لشيرين عبد الوهاب بمناسبة عيد الأم، قاعد أنا وشيرين وحسام حبيب وعمرو مصطفى وشيرين عايزاني أغير كلام الكوبليه وبتقوللي أقعد خلصه هنا دلوقتي عشان ننجز بابص في الموبايل لقيت رساله من هشام أخويا أمك زعلانه منك كلمها قلت له حاضر بس أنا ف الأستوديو هخلص واكلمها قفلت معاه بس ابتديت اتوتر".

أضاف: "لسه هبدأ في الكتابه لقيت رسالة من صادق أخويا الصغير كلم ماما عماله تعيط اتوترت جدا وطلعت بره الأستوديو في عز التلج وموطي صوتي هقول للناس اللي جوه أيه بكتب أغنية للأم وأمي بتتخانق معايا إزاي؟ يا ماما معلش ماقصدش.. يا ماما أنا ف الأستوديو وسط ناس ! وهي مافيش سخنانه جدا ..ابتديت أنا اتحرج طيب يا ماما أنا وحش يا ماما أنا عاق يا ماما، معرفتش أصالحها وقفلنا المكالمه على كده ".

تابع أيمن بهجت قمر: " طبعا ماجاليش نفس أكتب الكوبليه يومها لأني فعلا ماعملتلهاش حاجة، بعدها أمي ربنا يخليهالي حست انها زعلتني ( الفرق بينا ١٨ سنه قشطه يعني ) بعتت صالحتني بس كنت كتبت الكوبليه بقى، ونزلت أهي الأغنية. كل سنة وأمي طيبة وتفضل تناكف فيا بس بلاش وأنا في الاستوديو وبكتب أغنيه للام مش ناقصين عطله يا ماما".

يذكر أن شيرين عبد الوهاب طرحت أغنية "هي الدنيا" اليوم احتفالا بعيد الأم، وهي من كلمات أيمن بهجت قمر، ألحان عمرو مصطفى وتوزيع النابلسي، وغنتها للمرة الأولى ضمن احتفالات يوم المرأة المصرية.

اقرأ أيضا:

في عيد الأم... فنانات جسدن تضحيات تصل إلى القتل!

5 أسباب تدفعك لمشاهدة فيلم "أعز الولد"... كوميديا مختلفة وظهور أخير لـ رجاء الجداوي

رسالة مؤثرة من حسن الرداد لوالدته في أول عيد أم بدونها: رحلتي ومعك حلاوة الدنيا

بسمة تخفي ملامح ابنتها في أحدث ظهور لها وتعتذر للجمهور