الملخص- محمد الشرنوبي في "يوم ليك": معايا إعدادية وبقيت مغرور بعد ما احترفت الغنا

مروة لبيب | فى حياة المشاهير

محمد الشرنوبي

الثلاثاء , 16 مارس 2021 - 17:03 | اخر تحديث: الثلاثاء , 16 مارس 2021 - 17:03

حل الفنان محمد الشرنوبي ضيفا في برنامج "يوم ليك" الذي تقدمه الإعلامية سمر يسري على قناة "الحياة".

وتحدث الشرنوبي بداياته الفنية وكشف الكثير من الأسرار عن حياته الشخصية.

الملخص- مريم الخشت في "يوم ليك": تعرضت للتحرش الجسدى في الشارع وممكن أتجوز راجل بيلبس حلق

-صحيح أنني حاصل على الشهادة الإعدادية بسبب ظروف عائلية وليس هو عيب أو حرام الحمد لله أنا محقق حاجات كتير وأنوي أن استكمل دراستي.

-أنفق على نفسي منذ أن كان عمري 10 سنوات أنا إنسان مسؤول وأشعر أنني حققت أمورا كثيرة أفتخر بها أكتر بكتير من شهادة.

-الشهادة مهمة جدا لا أقلل من قيمتها،المفروض أن يكون أي شخص في الدنيا حاملا لشهادة ومؤهل عالي.

-الناس بتقول عليا وسيم ولكن أنا عمرى ما شوفت نفسى وسيم وشايف أنه عادى، ولو حاجة مش بحبها في وشى فهى مناخيرى كبيرة شوية ولكن مش هعمل عملية تجميل فيها لأن ربنا خالقنى كده وأكيد لسبب.

-أنا مش بعرف أمدح في نفسى ولو عملت حاجة مش راضى عنها ممكن ألوم نفسى طبعا، ولما الناس بتنتقدنى ده معناه انى موجود لأن لو محدش أنتقدنى يبقى مفيش حد مركز معايا.

-أنا من عيلة فنية جدًا وأبويا فاروق الشرنوبي وعمي صلاح الشرنوبي وعيلتي فنية أصيلة جدا واتربيت على المزيكا والفن ودايما بحب الفن والمزيكا، وأبويا علمني أحب الحياة واتبسط وأعمل أي حاجة عشان اتبسط وابقى بني آدم كويس.

-بحب الغنا والتمثيل.. الغنا بحبه لأنه موهبة اتولدت بها، وبحب التمثيل وتعبت عشان أطور نفسى وأكون ممثل، حتى في فيلم بعمله أول بطولة ليا خسيت بسبب 15 كيلو رغم انى رفيع.

-لو خلفت ابن هاخليه يعمل الحاجة اللى بيحبها ولازم الأهل يدوا الفرص لابنهم أنه يعمل الحاجة اللى بيحبها ويجتهد فيها، فأنا هاكون داعم لأولادى في أي حاجة عاوزينها.

- الغرور أصابني بعدما أصبحت مطربا محترفا، ولكن نجحت في التخلص من ذلك.

-كان فيه علاقة حب في حياتي وانا دايمًا لما بحب بحب أتبسط وأعيش في حلم وأعيش اللي معايا في الحلم وأنا بحب الحب جدا وهي مكنتش على قد الحلم ده .

-شخصية "بودة" في مسلسل "لؤلؤ" كسرت الدنيا، ومفيش انسان شرير صرف أنا جسدت شخصية بتحمل الخير والشر.