الملخص- مريم الخشت في "يوم ليك": تعرضت للتحرش الجسدى في الشارع وممكن أتجوز راجل بيلبس حلق

مروة لبيب | فى حياة المشاهير

مريم الخشت

الثلاثاء , 16 مارس 2021 - 14:29 | اخر تحديث: الثلاثاء , 16 مارس 2021 - 14:29

حلت الفنانة مريم الخشت ضيفة في برنامج "يوم ليك" الذي تقدمه الإعلامية سمر يسري على قناة "الحياة".

وتحدثت الخشت عن دخولها بوابة الفن من خلال الإعلانات والدوبلاج وكشفت الكثير من الأسرار عن حياتها الشخصية.

نرشح لك- الملخص- محمد منير في "صاحبة السعادة": عندي 18 حفيد وكان مصروفي 3 جنيه وبقول للشباب حبوا وطنكم

وفي السطور التالية نستعرض لك تصريحات مريم الخشت في "يوم ليك":

-كنت أشهر صوت في مصر، دون أن يعرف الجمهور اسمي بعد استعانة عدد كبير من شركات الاتصالات والمطاعم بصوتي في خدمة الرد الآلي.

-شاركت في دوبلاج أفلام الرسوم المتحركة وأنا بعمر عشر سنوات.

-أنا بركز مع المرأة ودايما بتناقش في قضايا المرأة خاصة لو أستفزتنى، ونقدر نقول ان بدأنا نشوف ردود أفعال من الناس على ظاهرة التحرش وكويس أنه بقى في لغة حوار في الموضوع ده في الفترة الاخيرة.

-مفيش واحدة متعرضتش للتحرش وعلى الأقل تحرش لفظى وأول تحرش استحالة يتنسى وانا حصلى تحرش لفظى كتير، وحصلى كمان تحرش وتطاول جسدى في الشارع سواء كنت لوحدى أو معايا واحدة صحبتى.

-في مرة كنت ماشية مع واحدة صحبتى وكنت جنب بيتى في الدقى، وجه واحد في وشنا وقرر يعدى من وسطينا وطبعا مش هايعدى وهو ساكن ولكن مش هاقول تفاصيل ولكن هو شايف إن الموضوع عادل جدا، وبسبب عدم تصديقنا وقفنا اتصدمنا، وانا مكنتش لابسة حاجة تستفزه ولو حتى لابسة فهو اللى غلطان.

-أنا دخلت التمثيل بسبب لايك على بوست للفنانة أمينة خليل بعد ضياع فرصتي في المشاركة بمسلسل "جراند أوتيل".

- سعاد حسنى هي الأيقونة بالنسبة لي والفنانة محسنة توفيق من الفنانات صاحبة الموهبة الكبيرة جدا.

-لما شوفت مسلسل "جراند أوتيل" بقى نفسى أشتغل مع المخرج محمد شاكر خضير والحمد لله حصل ولكن مشبعتش من الشغل معاه.

-نفسى كمان اشتغل مع المخرجة كاملة أبو ذكرى وهانى خليفة والمخرج محمد ياسين.

- ممكن أتجوز راجل بيلبس حلق لأني بشوفه اكسسوار.

- لو جالي دور مغنية راب هتحمس جدا وهكلم أبيوسف يساعدني.

اقرأ أيضا:

اشتهر من خلال "رأفت الهجان" وآخر أدواره امام عادل إمام .. معلومات عن الراحل عادل هاشم

رشوان توفيق: خالد النبوي ابني و"بيخرجني من برستيجي"

تحت شعار "المادة الخام للستات"... حفل عيد ميلاد عبير صبري

نيللي كريم تقدم الجدة الطيبة في "أمين وشركاه"