الملخص- حكيم في "سهرانين": أمي كانت بتقول لي "يا زفت الطين" لهذا السبب وأبويا جري ورايا في الشارع بسبب بيجامة حمرا

نهال ناصر | فى حياة المشاهير

حكيم

الأحد , 24 يناير 2021 - 13:52 | اخر تحديث: الأحد , 24 يناير 2021 - 13:52

حل الفنان حكيم ضيفا على أولى حلقات برنامج "سهرانين" في موسمه الجديد، من تقديم أمير كرارة ويعرض عبر قناة ON.

وخلال الحلقة تحدث حكيم بصراحة كبيرة وحكى عن بداية حبه للغناء ومواقف لا ينساها مع والده وذكريات الغناء على مسرح الأولمبياد في باريس.

نرشح لك: حكيم: أبويا بهدلني بسبب الغنا ورفع عليا السلاح 3 مرات.. فيديو

وفي نقاط يستعرض FilFan.com أبرز تصريحات حكيم:

- كنت بقف على عربية كارو وأعملها مسرح وأصحابي الجمهور.

- أمي لما تكون راضية عني تدلعني بـ"حكام" ولو مش راضية تقول "يا زفت الطين".

- كان حلم حياتي صوتي يوصل لميدان رمسيس وكنت بتمنى أني أحقق النجاح وأشوف نفسي على المسرح.

- وأنا في الفصل كنت بتخيل الطلاب اللي معايا أنهم جمهور وأنا واقف بغني.

- أبويا كان رافض فكرة أني أغني ورفع عليا السلاح 3 مرات وقاطعني سنين.

- عملت فرقة وأنا عندي 14 سنة وكنت بأجر الآلات ببطاقة أخو واحد صاحبي، وكنا بنتكلف 2 جنيه ونص.

- بعد ما غنيت واشتهرت أبويا بقى بيحب يتفرج على حفلاتي في التليفزيون.

- احترمت رغبة أبويا وعمري ما غنيت قدامه في فرح أو أي مكان.

- بحب اسمع لعدوية وجورج وسوف وإيهاب توفيق ومحمد فؤاد.

- أبويا كان راجل شديد وكان عنده غلط الراجل يلبس أحمر أو يحط برفيوم أو يقول باي باي، وأنا كان نفسي ألبس بيجامة باللون الأحمر، ومرة اشتريت بيجامة وخبيتها، ولما شافني جريت في الشارع بيها زي ما أكون ممسوك في الآداب.

- لما غنيت على مسرح الأولمبياد في باريس كنت هعلن أني مش هغني تاني.

- الجمهور المصري بيفهمني وبيتفاعل معايا، لكن لما بغني برا بكرر حركاتي أكتر من مرة علشان يتفاعلوا.

اقرأ أيضا:

5 ملاحظات على أغنية "مصباح علاء الدين".. ظهور ابنة محمد رمضان

فيديو - محمد منير: مريت بمرحلة صعبة من مرض ومستشفيات وكورونا قلبت حياتنا

المهن الموسيقية تهدد الفيشاوي بالملاحقة القضائية بسبب تعاونه مع بيكا في "نمبر 2"