الملخص- شيماء سيف في "أبلة فاهيتا": نفسي أعمل دور رقاصة وهربت بالكرفان لما منتج نصب عليا

مروة لبيب | فى حياة المشاهير

شيما سيف وأبلة فاهيتا

السبت , 16 يناير 2021 - 11:01 | اخر تحديث: السبت , 16 يناير 2021 - 11:01

حلت الفنانة شيماء سيف ضيفة في حلقة الجمعة 15 يناير ببرنامج "لايف من الدوبلكس" مع الدمية الشهيرة أبلة فاهيتا عبر قناة on.

وتحدثت شيماء سيف مع أبلة فاهيتا حول الكثير من الأسرار في حياتها الفنية والشخصية.

ويقدم FilFan.com أبرز تصريحات شيماء سيف مع أبلة فاهيتا في "الدوبلكس":

1-عمري 33 عاما فانا من مواليد 7 أغسطس 1980.

2- اسمي بالكامل "شيماء فتحي محمد رشاد"، أما اسم "سيف" فهو نسبة للمخرج سيف ممتاز الذي اكتشفني وله فضل كبير فحبيت اديله اسمي للأبد.

3- بالتأكيد أحب الجونة وأحب أسرة ساويرس ولكني لا أذهب للمهرجان لأني أعقد في منزلي مهرجانا خاصا أطلق عليه اسم مهرجان النقد الدولي، وخلاله أشاهد كل الفساتين وانتقدها بداية من تسريحة الشعر وحتى اختيار لون الشراب مفيش ممثلة بتعدي من تحت إيدي.

4- والدتى كان عندها طموح وأنا صغيرة إنى ألعب كاراتيه فودتنى، والمدرب كان يقعد يشرح وأنا طبعا مش هاعمل أى حاجة من اللى بيقولها فكنت بضرب العيال فى ثانية وخلاص فراحوا مشونى.

5-نفسى أعمل دور رقاصة حاسة إنى هاعمله كويس لأن أنا عندى إمكانيات مدفونة، وأنا اتفرجت على نفسى وأنا برقص حسيت إن الكافر الخارجي مدارى كتير وبيكون جوايا حاجة نفسى تظهر ومش بلاقيها.

6-أنا كممثلة أول حاجة لما بدخل تصوير عمل ببص الأول على لوكيشنات التصوير، لو فيلا مقفولة وكده تمام ولو لوكيشن شوارع وكده بقولهم مش فاضية ومسافرة.

7-أصعب شىء في التمثيل هو فكرة الحمام، أنا مش بحب أدخل حمام غير حمام بيتنا وحمام الكرفان ضيق وجسمى بيخبط فيه فأنا بناشد اللى بيعملوا الكرفانات يوسعوا الحمامات عشان مش كل الممثلين رفيعين.

8- أكثر معلومة فاكراها من مرحلة ابتدائى إن الإنسان مينفعش ينزل ولا يبدأ يومه خالص من غير ما يفطر الأول.

9-بعشق المقالب وبنفذها في أصحابي وزملائي في التصوير وجوزي عنده أمل إني اتغير وابطل اعمل كده.

10-تعرضت للنصب من منتج لما شاركت كضيفة شرف في مسلسل بعد ما اتفقت على أجري مع المخرج على أساس حلقة واحدة بدور أختين توأم إحداهما راقصة والأخرى طبيبة، أحد أصدقائي بلغني بعد ما صورت نص المشاهد أن الشخصيتين ليس لهما علاقة ببعضهما وفي حلقتين مختلفتين، وأن المنتج مزج السيناريو لتقليل أجري، فقررت أني أهرب بالكرفان بعد ما أخدت أجري قبل تصوير باقي المشاهد.