هنا الزاهد تودع 2020 برسالة لطيفة

ولاء مطاوع | فى حياة المشاهير

هنا

الخميس , 31 ديسمبر 2020 - 21:24 | اخر تحديث: الخميس , 31 ديسمبر 2020 - 21:24

قررت الفنانة الشابة هنا الزاهد، أن يكون وداع عام 2020 على الرغم من صعوبته، وداعًا لطيفًا.
هنا الزاهد: أجريت عملية تجميل واحدة وأكره تشبيهي بـ "باربي" لهذا السبب

ونشرت هنا الزاهد عبر حسابها على Instagram، صورة جديدة وكتبت معلقة: "أول مرة أكتب تعليق طويل بالشكل ده، بس حسيت أني لازم أكتب اللي جوايا حالا، سنة 2020 كانت رائعة بالنسبة لي، على الرغم من كونها سنة صعبة علينا كلنا، لكن أنا دايما ممتنة وراضية بغض النظر عن إيه بيحصل، في شغلي خطيت خطوات كبيرة ناحية أحلامي، ومش قادرة أستنى لحد ما تشوفوا مسلسلي الجديد اللي تعبت بجد فيه".

تابعت هنا الزاهد: "من وجهة نظري العمل الجاد دايما بيؤتي ثماره، تعبت أوي في التصوير، ما كنتش بنام لأيام بس كنت مستمتعة بكل مشهد بعمله، مفيش حاجة تضمن حياة طويلة وصحية ومزدهرة أكتر من أنك تحاول باستمرار تعمل اللي أنت عايزه وتحقق أحلامك، سنة 2020 علمتنا قيمة الأسرة وعايزة أشكر كل أفراد عائلتي على إعطائي القدرة على إكمال أي شيء صعب، وإيمانهم بيا، ومنحي طاقة ومشاعر إيجابية".

اختتمت: "2021... خلونا نقرر إن بداية السنة الجديدة دي نكون دايمًا في كتف بعض، ونساعد أخواتنا من البشر اللي محتاجيننا بغض النظر نعرفهم شخصيًا أو لا، وعلشان كده يلا ننشر شوية من البهجة واللطف، سنة جديدة سعيدة على الجميع".

من ناحية أخرى تنتظر هنا الزاهد عرض أحدث مسلسلاتها "حلوة الدنيا سكر" ينتمي المسلسل لنوعية أعمال الـ 45 حلقة، وتدور فكرته المسلسل في إطار اجتماعي كوميدي وتعتمد كل حكاية على مشاركة بطل مختلف ومجموعة مختلفة من الفنانين، مع وجود هنا الزاهد فى كل الحكايات، وهو من إخراج خالد الحلفاوي.

ويكتب العمل 8 مؤلفين، هم إياد صالح، ضياء محمد، فيدرا أحمد المصري، هشام إسماعيل، هند فايد، محمد جلال، إيهاب بليبل، وأيمن الشايب، والعمل إنتاج شركة سينرجي بالاشتراك مع المنتج كريم أبو ذكري.

اقرأ أيضًا:

للمرة الثانية... سلمى أبو ضيف تعلن ارتباطها برئيس تحرير مجلة شهيرة

مشاجرة بين ريهام حجاج ومتابعات لها على إنستجرام بعد وصفها بـ "خطافة رجالة"