محمد مهران يرد على انتقادات كتابته لمسلسل "لؤلؤ" لأول مرة بإشراف محمد سامي

مي فهمي | فى حياة المشاهير

محمد مهران

الثلاثاء , 29 ديسمبر 2020 - 22:12

رد الممثل الشاب محمد مهران على الانتقادات التي تلقاها بعد الرسالة التي كتابها عن كواليس خوضه لكتابة السيناريو لأول مرة من خلال مسلسل "لؤلؤ" بإشراف من المخرج محمد سامي.

محمد مهران يكشف كواليس كتابة مسلسل لؤلؤ

وكتب محمد مهران عبر حسابه الرسمي بموقع وتطبيق Facebook:"البوست ده انا كتبته بعد عرض اول حلقه من مسلسل #لؤلؤ اللي شاركت فيه بكتابه السيناريو والحوار والتمثيل، وعبرت فى البوست عن مشاعري وانا بتفرج علي المشاهد اللي كتبتها و هى بتتحول لصوره مرئيه
كنت فرحان سعيد جدا باول عمل درامي انا اكتب السيناريو والحوار الخاص بيه واول شئ كان لازم اعمله اني اشكر الشخص اللي اداني الفرصه دى، لان دي الاصول، بس فيه ناس كتير شافت الكلام ده بشكل مختلف".

وتابع مهران:"للي فاهم اني اول مره اكتب و الفرصة جاتلي و انا نايم في بيتنا احب اوضحله اني دي اول تجربة اكتبها تشوف النور لكن سبقها تجارب كتير حضرتك متعرفش عنها حاجة من كتابة افلام قصيره و مسرحيات منها مسرحية ( مطلوب ) اللي كانت من تاليفي واخراجي و اخدت خمس جوائز في المهرجان القومي للمسرح ٢٠١٤ من ضمنهم جائزة افضل مخرج و المسرحية مثلت مصر في العديد من المهرجانات الدوليه في بولندا، روسيا، رومانيا وفرنسا بالاضافة للعديد من المحاولات من كتابة الافلام و المسلسلات بس معرفتش اسوقها"

وأردف مهران:"للي حاسس انه قاعد سنين بيكتب و انا جيت اخدت فرصته حاول تقتنع ان ماحدش بياخد رزق حد و اسعي و ان شاء الله ربنا هيكرمك و هتلاقي اللي هيديك فرصتك، وفيه اللي شاف اني معملتش اي حاجة، حضرتك انا من اول ما جالي المسلسل لحد اخر حلقة انا اشتغلت من ١٦ الي ١٨ ساعه بشكل يومي لحد اخر حلقة، إن الله لايضيع اجر من احسن عملاً، اتفرجوا علي المسلسل و ان شاء الله هيعجبكم".

مسلسل "لؤلؤ" تدور أحداثه فى 40 حلقة، ويشارك فى بطولته بجانب مى عمر كلاً من أحمد زاهر، نجلاء بدر، نرمين الفقى، محمد الشرنوبى، إدوارد، هيدى كرم، سلوى عثمان، عماد زيادة، حمدى هيكل، هدير عبد الناصر، محمد مهران أحلام الجريتلى، وقصة مى عمر وسيناريو وحوار محمد مهران وإخراج محمد عبد السلام، وإشراف على التأليف والإخراج محمد سامى

اقرأ أيضاً

نهى العمروسي تكشف تفاصيل جديدة حول تورط ابنتها في قضية "الفيرمونت": كانت مخدرة للاغتصاب وزوجها شاذ

يا أم الطرشة... يسرا اللوزي تلقن درسا لمتابع تنمر على ابنتها