الزوجة الأولى لطارق العريان: أتعرض لتهديدات بعد أن هاجمت أصالة

مروة لبيب | فى حياة المشاهير

هالة العتال وأصالة وطارق العريان

الأحد , 27 ديسمبر 2020 - 00:53 | اخر تحديث: الأحد , 27 ديسمبر 2020 - 00:57

كشفت هالة العتال طليقة المخرج طارق العريان عن تعرضها لتهديدات خلال الساعات الماضية بعد تعليقها على رد فعل الفنانة أصالة بعد انتشار صورة طليقها مع حبيبته الجديدة.

وعبر حسابها على Facebook‎، كتبت هالة العتال "طيب أنا نزلت تاني البوست بتاعي، لأني مش بخاف وأنا اتعرضت لتهديد، وكمان الناس اللي دخلت على صفحتي بكلام عني، وعن ابني، وعن أبوه، حاجة مش طبيعي، عشان كده أنا كلمت المحامي وهتقدم ببلاغ لمباحث الإنترنت، وهقول كلمة بس النهايات أخلاق".

وكانت الزوجة الأولى للمخرج طارق العريان، قد هاجمت تصرف الفنانة أصالة بنشرها صورته مع الموديل نيكول سعفان، والتعليق عليها بانتقاد العريان واتهامه بالخيانة.

وعبر حسابها على Facebook كتبت والدة الإبن الأكبر لطارق العريان: "دي أول مرة ممكن أرد فيها، الصورة قاسية عليكي، طيب أنا لما كنت بشوف ألف صورة، وابني مش موجود فيها، يا ترى إحساسي كان إيه؟ كان أكتر من قاسي كان مقهور، طيب لما كنتي بتكتبي العيلة وابني مش موجود فيها، إحساسه هو كان إيه؟ أولادك عندهم أب، أيمن الذهبي حي يرزق، لكن ابني كان عنده أب واحد بس، وللأسف مش هقدر أقول تفاصيل، طيب لما كنا بنحاول نتكلم كان ردك إيه، يا ترى قاسي، ولا حنون زي ما أنتي دلوقت".

تابعت: "الجواز والحب والعشرة في تفاصيل محدش يقدر يعرفها، طيب مفكرتيش في يوم من الأيام أن ممكن الأب يشتري ابنه اللي من دمه، ويرفض الظلم، طيب مفكرتيش أن في نفسية ولد، ممكن تتدمر، طيب دلوقت أولادك زعلانين من الكسرة، طيب يتكلموا معاه ليه لحد دلوقت، أرجوكي كفاية في أولاد وأنا من حقي أدافع عن ابني اللي نفسيته بقت مش حلوة، من كتر الحرب على أبوه، كفاية، بعد الانفصال اللي كنت بتمنى استمراره ليكم وربنا يشهد عليه".

يذكر أن أصالة انفصلت عن طارق العريان قبل عام، إلا أنها شنت هجوما عليه بعد ظهوره في صور مع عارضة الأزياء السورية نيكول سعفان، فيما ردت الأخيرة قائلة إنها لم ترتبط بطارق العريان في فترة زواجه من أصالة، مؤكدة أنه لم يكن سعيدا في تلك الزيجة، وهو ما أكدته هالة العتال الزوجة الاولى لطارق العريان التي انتقدت أصالة واتهمتها بالتسبب في ابتعاد ابنها عمر العريان من أي صور عائلية كانت تجمع والده مع أصالة وابنائها.

اقرأ أيضاً

أول تحرك من نقابة المهن التمثيلية ضد تصريحات رانيا يوسف عن مفاتن جسدها

محمد عدوية عن ألبوم عمرو دياب الجديد: شامم ريحة التسعينات