شريف مدكور عن عمر كمال: صوته حلو قوي

ولاء مطاوع | فى حياة المشاهير

شريف مدكور وعمر كمال

الخميس , 26 نوفمبر 2020 - 19:41 | اخر تحديث: الخميس , 26 نوفمبر 2020 - 20:25

كشف الإعلامي شريف مدكور عن إعجابه بصوت وشخصية مطرب المهرجانات عمر كمال.
شريف مدكور: ليه في مجتمعنا عادي إن الراجل يبين عورته و الست لاء ؟!

وأضاف شريف مدكور في منشور عبر حسابه على Instagram: "أنا اتفرجت على عمر كمال مع أبلة فاهيتا، صراحة الرجل في منتهى الذوق والأدب وعلى فكرة صوته حلو قوي".

على جانب آخر، كان عمر كمال رد على الانتقادات التي وجهت له بسبب ما كتبه عن جوائزه و"ركن الشهادات" حال عدم وجود وظائف.

نشر عمر عبر حسابه على Facebook، صورة له حين كان عاملا في "بنزينه" في بدايات حياته المهنية، وعلق كاتبا: "فيه رقم محطوط للحجوزات ع الصفحة عشان الشغل والأفراح والحفلات.. من أكتر المكالمات اللى بتيجى عاوزين شغل ومفيش شغل عندكم عشان إحنا محتاجين شغل، حاجة بتحسسنى بالحزن جدا لانهم شباب في سنى.. فا بحب بين كل فترة والتانية اكتب بوست للناس فيه تشجيع وحافظ إن خلى جواك إيمان بنفسك وأمل في ربنا وإن كل حاجة هتتعدل".

تابع: "أنا شاب اخدت دبلوم صنايع وكملت دراسة مزيكا في معهد موسيقى العربية.. ولما طلعت ملقتش فرصة أغنى في الطرق العادية زى قصور الثقافة والأوبرا وكده، فا قررت اعتمد على نفسى واشتغل كل حاجة وحرفيا شمرت واشتغلت ومشيت في كل الطرق اللى توصلنى لهدفى".

اقرأ أيضا: عمر كمال يرد على الانتقادات: مقصدش نركن الشهادات ونغني

أضاف كمال: "كتبت بوست من المنطلق ده اللى هوا شيل شهادتك على جمب لو مشتغلتش بيها وانزل وشمر وهات حلمك وهدفك وحققه وحطيت صورة لتكريمات وجوايز نتيجة لنجاحى في مجالى وطبعا قصدى إن كل واحد في مجاله يجتهد مش يسيب شهادته ويروح يغنى أكيد.. ايه الغلط في كده يا جماعة؟!".

اقرأ أيضا:

أحمد فهمي لأبو هشيمة: ملكش دعوة بأمي

أول ظهور لأبناء ياسر جلال