محمد عطية لميرنا الهلباوي: شكرا انك وافقتي تكوني معايا والأخيرة ترد: أنت دعائي المستجاب

مروة لبيب | فى حياة المشاهير

محمد عطية وميرنا الهلباوي

الأحد , 22 نوفمبر 2020 - 11:34 | اخر تحديث: الأحد , 22 نوفمبر 2020 - 11:34

نشر الفنان محمد عطية صورة تجمعه بخطيبته ميرنا الهلباوي يتغزل بها وروى قصة لقائهما.

فيديو - رقصة مختلفة تجمع محمد عطية وميرنا الهلباوي في حفل خطوبتهما

وعلق محمد عطية على الصورة "من اربع سنين قابلت ميرنا في الراديو كانت بتعمل معايا لقاء عشان اغنيتي الجديدة انا و انطوني توما و لما قعدنا نتكلم كنت معجب جدا بافكارها و قناعاتها و خدت رقمها و بعد ما مشيت من الراديو انطوني قاللي( علي فكرة انت هترتبط بميرنا ) و ضحكنا و خلاص و حاولت المحلها اليوم ده علي الواتس اب باليل و احنا بنتكلم اني معجب بيها و هي ما كانش في بالها".

وأضاف "و بعدين عرفت انها مصاحبة و بعدها اتخطبت ففقدت الامل و بقينا صحاب و فضلنا نتكلم من وقت للتاني و بعدين سافرت لبنان قعدت فترة كبيرة هناك و خلال الوقت ده كنت ضد الارتباط و الجواز لحد ما رجعت و اتفقنا نتقابل عشان بقالنا فترة ماشفناش بعض و نزلت قابلتها و بنتكلم و في نص الكلام بسألها عن خطيبها قالتلي انهم انفصلوا و هنا كل حاجة اتغيرت و بدأت اشوفها تاني برة منطقة الصداقة و كنت عارف كويس اني لو فتحت باب اني احب تاني هتكون ميرنا حب حياتي عشان مختارها بعقلي و قلبي مش قلبي بس و عشان الارتباط بحد كنت صديق ليه بيكون مختلف تماما و مختصر مسافات كتير".

واختتم عطية " كل حاجة مشيت بسهولة و بسلاسة و فجأة اكتشفت اني مستحيل اقدر اكمل حياتي من غيرها و اني اليوم اللي مابتبقاش موجودة فيه بيكون سخيف و من كتر ماهي انسانة مريحة و سوية و بحس معاها اني مش محتاج اكون شخصية تانية لقيتني بقول لأمي عاوزين نروح مقابل مامت ميرنا ووصلنا من الراديو للحظة اني اخترت اكمل حياتي معاها ... شكرا علي وجودك و شكرا انك وافقت تكوني معايا بحبك".

وردت ميرنا الهلباوي "أنا سعيدة جدًا لأننا التقينا زممتنة جدًا لكل دقيقة قضيناها معًا شكرًا لوجودك في حياتي، لم أفكر أبدًا في أن رجل أحلامي موجود وقريب جدًا شكرا لكونك أنت وشكرا لك للسماح لي أن أكون على طبيعتي أنت دعائي المستجاب.. أحبك كثيرًا كحبيب، عاشق ، كصديق وانسان".

وكان عطية روى بداية قصة حبه مع ميرنا الهلباوي التي تعود لسنوات، فهو أُعجب بها من النظرة الأولى ولكنها كانت مخطوبة. (اعرف التفاصيل)

يُذكر أن محمد عطية بدأ حياته الفنية بعدما نجح في في الموسم الأول من برنامج "ستار أكاديمي"، وشارك في عدد من الأعمال الفنية، ثم غاب عن الساحة الفنية، حتى عاد في عام 2018 وأصدر فيديو كليب "حكاية جديدة".

اقرأ أيضا:

محمد رمضان يستمع إلى أغنية إسرائيلية شهيرة في حفل خاص ...فيديو

محمد رمضان يعلق على ظهوره مع الاسرائيلي عمير آدم: يهمني الإنسان ولو ملوش عنوان