سبب رفض بهاء الدين محمد تصوير أغنية "تنسى واحدة" لـ عمرو دياب

ولاء مطاوع | فى موسيقى وحفلات

عمرو دياب وبهاء الدين محمد

الاثنين , 16 نوفمبر 2020 - 10:50 | اخر تحديث: الاثنين , 16 نوفمبر 2020 - 12:16

كشف الشاعر الغنائي بهاء الدين محمد عن سبب رفضه تصوير أغنية "تنسى واحدة" التي ألّف كلماتها وهي من غناء الفنان عمرو دياب.

وكتب بهاء الدين محمد عبر حسابه على facebook منشورًا يتحدث فيه عن قصة الأغنية: "كل واحد مهما عاش حكايات أوعاش حكاية مبسوط فيها وراضي بيها برضه في خياله واحدة سابت علامة في قلبه بيفضل طول العمر فاكرها يا بخير يا بجَرح، ومهما قابل أو عمل نَفسه ناسى بتبان عليه وخاصة لو في حياته واحدة بتحبه وعارفة ماضيه بتبقى مشاعره مكشوفة ومتشافة رغم المجهود اللي بيعمله علشان يبان ناسي، وكل حد بيقرأ الكلام ده دلوقت عارف مين هي وهي عارفة إنها هي وعارفة مين حَبها وسابتله حاجة يفتكرها بيها لحد آخر لحظة في حياته . شبكة اتصال جبارة وغير مرئية للعين وعالم النَفس بحار كلها أسرار".

تابع: "وهو ده ملخص فكرة تنسى واحدة ولما عمرو دياب قال لي هنصورها قولت له بلاش، ضحك وقال لي أول مرة أشوف شاعر مش عايز يصور أغنيته، قولت له كل واحد في خياله واحدة وكل واحدة عارفه إنها في خيال واحد ولما تتلخص الواحدة دي في بنت موديل مهما كانت جميلة وكلها إحساس هتقلل من حالة الأغنية يعني نسيب الأغنية تبقى كل واحدة بتسمعها شايفه نفسها هي البطلة فيها، وبرضه كل واحد شايف حبيبته هي بطلة الأغنية وكده نبقى حافظنا على خصوصية الفكرة وعشان كده كل اللي بيسمعها بيعيش بيها وفيها وبيلاقي فيها حكايته اللي مش ناسيها ولا هينساها".

ومؤخرا؛ أعلن الشاعر بهاء الدين محمد عن تعاون جديد يجمعه بالفنان أحمد صلاح حسني الشهير بـ"سوني" في عدد من الأغاني.

ونشر بهاء صورة تجمعه بأحمد صلاح حسني عبر حسابه الرسمي بموقع وتطبيق Instagram وعلق عليها كاتباً:"أنتظروا أغانى جريئة بأفكار مختلفة مع صاحبى المتعدد النجومية نجم كرة، نجم تمثيل، نجم تلحين، الفنان أحمد صلاح حسنى".

اقرأ أيضا:
أول تعليق لـ إبراهيم فايق بعد إصابته بجلطة رئوية

تامر حسني يرتدي T-Shirt بـ5 آلاف جنيه في زيد بارك