زوجة محمد أشرف: اللي سبوا الرسول خرجوا من السجن وجوزي لسة جوة

مروة لبيب | فى حياة المشاهير

محمد أشرف

الأحد , 15 نوفمبر 2020 - 16:11

علقت أسماء عماد زوجة ستاند أب كوميدي محمد أشرف الذي صدر قرار بحبسه 4 أيام على ذمة التحقيق في اتهامه بازدراء الدين الإسلامى وتهديد قيم الأسرة المصرية، وسب وقذف مقدمى برامج إذاعة القرآن الكريم ونشر محتوى يهدد الأمن والسلم الاجتماعى من شأنه التحقير من الإذاعة.

وكتبت أسماء عماد منشورا عبر حسابها على Facebook، جاء فيه "محمد أشرف جوزي محبوس من يوم الخميس اللي فات عشان هزر على طريقة إلقاء مذيعين إذاعة".

وتابعت "اتوجهت له تُهم كثير عشان هزار كل واحد فينا بيقوله وبيقول أكثر منه كمان.. واللي شتموا الأديان وسبوا الرسول خرجوا إمبارح وهو كمل حبس 15 يوم..سهل عليكوا قوي تقولوا أحسن يستاهل ونطالب بسجنه وإعدامه وأنت قاعد في بيتك وسط أهلك بس ربنا مايخليك تشوف قهرة الحبس ظُلم ووجع أهلك ومراتك وأصحابك وهما واقفين بالساعات مستنيين بس يلمحوك عشان يتطمنوا عليك".

واختتمت أسماء "سهل عليك تطالب ليه بأقصى عقوبة عشان قلد شوية مذيعين بشر مش أنبياء لكن صعب عليك طبعًا تحس بالظلم والقهر، عشان أنتم ماتعرفوش يعني إيه إنسانية ربنا هيقف معانا وأنتم قريب قوي هتحسوا بنفس الوجع والظلم ده".

كان محمد أشرف ظهر في فيديو من حفل "جلوكال شو" يسخر من طريقة حديث المذيعين في إذاعة القرآن الكريم قائلا "أكتر ناس بشوفها بطريقة غريبة هى الإذاعة بتاعت القراَن الكريم، دي أكتر ناس بتتكلم بطريقة غريبة بالنسبة لي مش عارف بيتكلموا كده ليه".

اقرأ أيضا: بالفيديو- محمد أشرف يعتذر عن فيديو السخرية من مقدمي القرآن الكريم

الفيديو يعود تاريخه إلى يناير الماضي، لكن أعيد نشره منتصف أكتوبر وتعرض أشرف لانتقادات كثيرة وصلت لحد التهديدات.

اقرا أيضا

بالفيديو- هكذا تحدث تامر حسني عن زوجته بسمة بوسيل: غيورة وكنت حلم طفولتها

شاهد الفيديو الذي حذفه تامر حسني بعد إعلان بسمة بو سيل انفصالهما