عمرو سلامة يتحدث عن "أخوه" محمد دياب "الناس بتتلخبط بيننا"

محمد سلطان محمود | فى حياة المشاهير

عمرو سلامة ومحمد دياب

الأحد , 8 نوفمبر 2020 - 11:28 | اخر تحديث: الأحد , 8 نوفمبر 2020 - 11:29

يرتبط المخرجان عمرو سلامة ومحمد دياب بعلاقة صداقة قوية منذ بداية مشوارهما الفني، رغم عدم تعاونهما سوى في عمل واحد، وهو مسلسل "طايع" الذي كتبه دياب وأخرجه سلامة.

تحدث عمرو سلامة عن علاقته بدياب، ونشر صورة تجمعهما سويًا عبر Instagram وكتب معلقًا: "من خمستاشر سنة وأنا بحاول أبدأ كمخرج كنت كل شوية أتكلم مع حد، يقول لي إنت بتفكرني بكاتب جديد إسمه محمد دياب، وهو الناس بتقوله "بتفكرني بمخرج جديد إسمه عمرو سلامة". فقولنا نتكلم في التليفون، إتكلمنا، أول مكالمة قولتله "أنا مخرج جديد ونفسي أعمل ما وراء الطبيعة" قال لي إنه من أشد محبيها، وده كان أول عامل مشترك ما بينا سبب بدء الصداقة ديه".

أوضح سلامة: "بسبب حاجات كثير في ناس كثير بتتلخبط بينا، وده مجننا إحنا الإثنين، في ناس تقولي بحب فيلم ٦٧٨ وناس تقابله وتنتقده على شيخ چاسكون. مافيش فيلم ليه ماكنتش معاه في التحضير وأوضة المونتاچ، ونفس الكلام هو بيعمله في أفلامي".

كشف عمرو سلامة عن سر قوة علاقته مع محمد دياب قائلا: "إتعلمنا إحنا الإثنين درس زمان "علشان إثنين منافسين يفضلوا أصحاب لازم يقدروا يسامحوا نجاح بعض"، وأنا سامحته على فيلم الجزيرة اللي كتبه اللي كسر الدنيا وأصبح أيقونة وفيلمه اللي راح مهرجان كان، وسامحته على روعة فيلمه الجديد "أميرة" اللي شوفته في المونتاج، ومسامحه إنه دلوقتي بيخرج مسلسل أمريكاني ضخم من إنتاج مارڤل وديزني :) هو يمكن مش محتاج يسامح نجاحي لإنه طول عمره سابقني، ولإنه أصلا صاحب فضل وسبب جوهري وراء حاجات كثير كويسة حصلتلي في حياتي المهنية أو الشخصية".

أضاف: "مشتغلناش مع بعض ولا مرة إلا في مسلسل طايع، وكانت تجربتنا سوا في غاية التوافق والجمال مع خوفي قبلها الرهيب إن الشغل سوا ممكن يأثر على صداقتنا لكن بالعكس قوتها. الأجمل من ده كله إن مع إختلافنا في آراء فنية أو فلسفية، عارفين نتجاوزها بسلاسة ومهما إتجننا على بعض في نقاش ساخن، بنرجع نهرج وعمرنا ما إتخانقنا، وده سببه في المجمل إن صداقتنا أقيم من أي فن أو فكرة".

اختتم عمرو سلامة حديثه موضحا: "بدون أي شعارات، محمد دياب من الناس اللي أقنعتني في الحياة إن الأخ مش لازم يكون الشخص اللي أبوك وأمك خلفوه، بل الشخص اللي بيحبك بجد".

View this post on Instagram

A post shared by Amr Salama (@amrmsalama) on Nov 7, 2020 at 11:52am PST

يذكر أن سلامة ودياب يحتفلان بتحقيق كل منهما لخطوة مهمة، حيث بدأت منصة نتفليكس في عرض مسلسل "ما وراء الطبيعة" من رؤية وإخراج عمرو سلامة، فيما وقع اختيار استوديوهات Marvel على محمد دياب لإخراج مسلسل Moon Knight الذي سيتم عرضه عبر منصة Disney+.

عمرو سلامة محمد دياب مسلسل طايع