لقاء الخميسي تدافع عن مهرجان الجونة: كفاية فتي وهري

ولاء مطاوع | فى حياة المشاهير

لقاء الخميسي

الجمعة , 6 نوفمبر 2020 - 00:06 | اخر تحديث: الجمعة , 6 نوفمبر 2020 - 00:06

دافعت الفنانة لقاء الخميسي عن الاتهامات التي تشير إلى مسئولية مهرجان الجونة عن تفشي عدوى كورونا بين الفنانين.

ونشرت لقاء الخميسي عبر خاصية القصص القصيرة لحسابها على Instagram مدافعة: "مهرجان الجونة كان واضح ومحدد، حالات الكورونا اللي ظهرت مالهاش دعوة بالمهرجان، ولا الأفلام ولا الندوات، ولا ليها علاقة من قريب أو من بعيد بالمهرجان بلاش هري، كل حاجة كانت منظمة والكل بيدخل العروض بكمامة والندوات والفعاليات بكمامة".

تابعت الخميسي: "السجادة الحمرا اللي النجوم مشوا عليها ما كانتش زحمة ولا الناس قريبة من بعض، حتى العربيات اللي كانت بتحرك الناس كانت دخولها بالكمامة، كفاية فتي وهري وشتيمة المهرجان عمل اللي عليه وزيادة وكان محافظ على الإجراءات الاحترازية، وبعد كده التجمعات اللي مالهاش علاقة بفعاليات المهرجان مش مسئولية مهرجان الجونة، بل هي مسئولية الأشخاص اللي اختاروا يحضروها مسئولية ذاتية، مش لازم نكون متخصصين في تشويه أي حاجة حلوة بتحصل في البلد، ارحمونا واسكتوا شوية وكفاية هري على المهرجان والفن والفنانين لقد هرمنا".

يذكر أن عدد من النجوم الذين تواجدوا بالجونة، أعلنوا خلال اليوميين الماضيين إصابتهم بفيروس كورونا منهم سارة عبد الرحمن وويجز وزينب غريب وريم العدل.

اقرأ أيضًا..

أسباب تدعوك لمشاهدة مسلسل "ما وراء الطبيعة"

بشرى ترد على اتهام مهرجان الجونة بنشر فيروس كورونا