بعد عمرو سلامة... نجل أحمد خالد توفيق يكشف رأي والده في قرصنة المسلسل

ولاء مطاوع | فى سينما وتلفزيون

عمرو سلامة

الأربعاء , 28 أكتوبر 2020 - 13:05 | اخر تحديث: الأربعاء , 28 أكتوبر 2020 - 13:07

انتقد المخرج عمرو سلامة، قراصنة الإنترنت، الذين يعتمدون على سرقة المحتوى أيا كان نوعه أدبي أو فني وعرضه عبر الشبكة العنكبوتية.

ونشر سلامة عبر حسابه على facebook قائلا: "مرة كتبت كتاب ونزل الأسواق، وبعدها اكتشفت إن اللي قروه من نسخ مقرصنة يمكن ١٠٠ ضعف اللي اشتروا النسخة الرسمية، مرة عملت فيلم واتسرب يوم نزوله بجودة عالية، وده كان واحد من أسباب ضعف إقبال الناس عليه في السينما، دلوقتي عملت مسلسل وشايف تهريج ناس كثير أنهم هيشوفوه مقرصن، كأنها صياعة مثلا".

تابع: "بعيدا إن دي سرقة كأنك سرقت من سوبر ماركت أو من بيت جارك أو اختلست فلوس من شغلك، أنا ككاتب أو كمخرج نفسي أكبر عدد من الناس تشوف شغلي، بس الناشر والمنتج لما يخسر مش هينتج ثاني، أو بدل ما ينتج عشر مشاريع هينتج واحد بس، ليه السرقة الاإكترونية مبررة؟ لأنك مش بيتقبض عليك؟ ساعتها تمام مفيش عليك مسؤولية أخلاقية وبقيت صايع؟ ونرجع نقول فين الأعمال المحترمة؟ طب وأنت لما تعمل كده محترم"؟

من جانبه أيّد محمد نجل الدكتور أحمد خالد توفيق وجهة نظر عمرو سلامة، وأعاد نشر حديثه وعلق كاتبًا: "ودي كانت نفس وجهة نظر والدي رحمه الله تجاه النسخ المضروبة من الكتب والـPDF وغيرها، الموضوع مش موضوع كلمتين يتقالوا عشان عدد مشاهدات أو أي حاجة على قد ما هو تغيير فكر كامل في الوطن العربي طول ما السرقة موجوة في الوطن العربي بالنسبة للشركات الأجنبية "سوق ميت"، لكن لو عدد المشاهدات الشرعية زاد وازدادت عدد الاشتراكات على المنصات المختلفة وفي دور العرض وغيرها، ده بيضمن إنتاج ومستقبل أضخم وأعمال أفضل وساعتها الأعمال العربية تعرف تنافس بسهولة، والناس اللي بتبرر "السرقة" دي بمبدأ أننا في دولة عالم تالت وأننا مش هنعرف نشترك، أكاونت نتفليكس اللي هو أغلى حاجة حالياً بـ٢٠٠ جنيه لـ٤ شاشات يعني ٥٠ جنيه شهرياً، أعتقد أفضل من “السرقة” اللي مش لاقي لها مسمى تاني".

يذكر أن شبكة Netflix طرحت الإعلان الرسمي لمسلسل "ما وراء الطبيعة"، الذي سيعرض حصريا على الشبكة في 5 نوفمبر. وهو مستوحى من سلسلة روايات "ما وراء الطبيعة" للكاتب الراحل أحمد خالد توفيق.

يتكون المسلسل من 6 حلقات وتدور أحداثه عن رحلة الشك الخاصة برفعت إسماعيل، وتتمحور كل حلقة حول الأساطير الشهيرة في روايات "ما وراء الطبيعة"، لتكون كل حلقة بمثابة فيلما مستقلا، وفي نفس الوقت كل الحلقات مترابطة في عنصر مشترك وهو "بيت الخضراوي"، المحرك الأساسي للأحداث في الموسم الأول.

يعرض مسلسل "ما وراء الطبيعة" مترجماً إلى أكثر من 32 لغة في 190 دولة حول العالم. كما سيتم توفير الدبلجة إلى أكثر من 9 لغات من بينها اللغة الإنجليزية، الإسبانية، الفرنسية، التركية والألمانية وغيرها. وسيكون أول مسلسل أصلي مصري متوفر بالوصف الصوتي باللغة العربية لضعاف البصر والمكفوفين، والوصف النصي باللغة العربية لضعاف السمع.

"ما وراء الطبيعة" بطولته أحمد أمين في دور "الدكتور رفعت اسماعيل" ورزان جمّال في دور "ماجي ماكيلوب" وآية سماحة في دور "هويدا" خطيبة "رفعت" السابقة، وسما إبراهيم في دور "رئيفة" شقيقة "رفعت إسماعيل".

عمرو سلامة ما وراء الطبيعة أحمد خالد توفيق نتفليكس