أسما شريف منير عن زوجة أبيها: بتفهمني وبتحس بيا

نهال ناصر | فى حياة المشاهير

أسما شريف منير

الأربعاء , 21 أكتوبر 2020 - 21:26 | اخر تحديث: الأربعاء , 21 أكتوبر 2020 - 21:26

وجهت أسما شريف منير رسالة إلى زوجة أبيها، الممثلة المعتزلة لورا، عبرت فيها عن حبيها لها.

نشرت أسما عبر حسابها على Instagram صورة لزوجة أبيها وكتبت: "الست الجميلة اللي في الصورة دي هي (لورا) مرات ابويا! إيه ده هو في مرات أب حلوة كده أومال فين الحوافر والعيون الشريرة، مش مرات أب؟ يبقي أكيد لازم تكون شريرة وبتعذب الولاد وبتشغلنا في البيت".

اقرأ أيضا: خاص- موقف أسما شريف منير من التمثيل وإعادة تقديم البرامج

تابعت: "ده اللي المجتمع والأفلام ديما بيصدروا بس الحقيقة إن الست دي من أطيب وأجمل وأجدع الستات اللي في الدنيا، عمرنا ما اتخنقنا يمكن اختلفنا مرة بس عمرها ما اتعدت علي حقوقنا ولا التزمات أبويا لينا، أم أخواتي أو بناتي عشان هما صغنانين، هي عيلتي وحبيبتي، لما بزعل مع أبويا بتقف جنبي حتي لو هيتخانق معاها، أنا وهي أصلا شخصيتنا قريبة من بعض بتفهمني وبتحس بيا".

أكملت: "أنا عمري ما اتكلمت عنها عشان هي بعدت عن الأضواء من زمان، بس حسيت أني لازم أقولها أني بحبها وبحترمها وأديها حقها، وعشان أقول لإي ست لو أنتي مرات أب لأولاد لازم تتقي ربنا فيهم وصاحبيهم وحبيهم كأنهم ولادك وربنا هيجازيكي كل خير وجوزك هيشيلك فوق راسه.. بحبك يا لولو أوي وربنا يخلينا لبعض كلنا ديما وشكرا علي كل حاجه حلوه عملتيهالي".

يذكر أن أسما شريف منير شاركت والدها في تقديم برنامج "أنا وبنتي" عبر قنوات ON، الذي انتهى عرض آخر مواسمه ‏قبل بداية شهر رمضان‎.‎

اقرأ أيضا:

خاص FilFan- نقابة الموسيقيين تنفي استبعاد شاكوش بسبب عدم إجادة القراءة والكتابة

خاص FilFan - رانيا محمود ياسين تكشف حقيقة منع نجلاء فتحي من حضور عزاء والدها